Gujarati News

નવી દિલ્હીઃ સાઉથના સુપરસ્ટાર પ્રભાસની મોસ્ટ અવેટેડ ફિલ્મ 'સાહો'નું ધમાકેદાર ટ્રેલર રિલીઝ થયું છે. આ ટ્રેલર રિલીઝ થતાં #SaahoTrailer ટ્રેન્ડ શરૂ થઈ ગયો છે. આ ટ્રેલર એક્શનથી ભરપૂર છે

    આ ટ્રેલરમાં જ્યાં પ્રભાસનો લુક જોઈને ફેન્સ ઉત્સાહી છે જયારે  શ્રદ્ધા કપૂરનો કોર્પ અવતાર પણ જોરદાર છે. સાથે આ નાના ટ્રેલરમાં બોલીવુડ વિલનની એક ફોજ જોવા મળી રહી છે. ટ્રેલરને જોઈને કોઈપણ હોલીવુડ એક્શન ફિલ્મની ફીલ આવી રહી છે.

  આ ફિલ્મને લઈને લોકો ખુબ ઉત્સાહી જોવા મળી રહ્યાં છે. આ ફિલ્મનું ટીઝર સોશિયલ મીડિયા પર છવાયું હતું અને આ સાથે બે ગીત 'સાઇક સૈંયા' અને 'ઇન્ની સોની' ઇન્ટરનેટ પર વાયરલ થઈ રહ્યાં છે. આજે ફિલ્મનું ટ્રેલર 4 ભાષાઓમાં એક સાથે રિલીઝ થઈ ગયું છે. ફિલ્મ સાહોના એક્શન સીન માટે વિશ્વભરના મોટા એક્શન કોરિયોગ્રાફરની ટીમની મદદ લેવામાં આવી છે. 

   અત્રે ઉલેલ્ખનીય છે કે  પહેલા આ ફિલ્મ 15 ઓગસ્ટે રિલીઝ થવાની હતી, પરંતુ બાદમાં તેની રિલીઝ ડેટને આગળ વધારી દેવામાં આવી છે, કારણ કે આ દિવસે બોલીવુડની બે મોટી ફિલ્મો અક્ષય કુમારની મિશન મંગળ અને જોન અબ્રાહમની બાટલા હાઉસ રિલીઝ થવાની છે.