Gujarati News

Gujarati News

News of Friday, 10th May 2019

તબ્બુ સાથે ફરીથી ફિલ્મ કરવા સૈફ અલી ખાન આતુર

બોલીવૂડ અભિનેતા સૈફ અલી ખાન અને તબ્બુની જોડી વધુ એક વાર જોવા મળશે. આ બંનેએ વીસ વર્ષ અગાઉ તુ ચોર મૈં સિપાહીમાં અને હમ સાથ સાથ હૈ ફિલ્મમાં સાથે કામ કર્યુ હતું. સૈફ અને તબ્બુ હવે કોમેડી ફિલ્મ જવાની જાનેમનમાં સાથે દેખાશે. આ ફિલ્મમાં સૈફ પોતે સહનિર્માતા પણ છે. તબ્બુની અજય દેવગણ અને રકુલ પ્રિતસિંહ સાથેની ફિલ્મ દે દે પ્યાર દે આ મહિને જ રિલીઝ થવાની છે. તબ્બુ સાથે વર્ષો પછી ફરીથી સાથે ફિલ્મ મળતાં સૈફ અલી ખાને ખુશી વ્યકત કરી હતી. તેણે કહ્યું હતું કે તબ્બુ જોરદાર અભિનેત્રી છે. તેનો રોલ આ ફિલ્મમાં ખુબ મજેદાર છે. જવાની જાનેમન ફિલ્મથી પૂજા બેદીની પુત્રી આલિયા ફર્નિચરવાલા બોલીવૂડમાં એન્ટ્રી કરી રહી છે. ફિલ્મનું પહેલા તબક્કાનું ૪૫ દિવસનું શુટીંગ આવતા મહિને લંડનમાં શરૂ થશે. નિતિન કક્કડ નિર્દેશક છે.

(9:43 am IST)