Gujarati News

Gujarati News

News of Wednesday, 10th February 2021

ડોકટર બનશે રકુલપ્રિત સિંહ

અભિનેત્રી રકુલપ્રિત સિંહે સાઉથની ફિલ્મોમાં નામના મેળવ્યા પછી બોલીવૂડમાં પણ સ્થાન બનાવી લીધું છે. તે અહિ એક પછી એક મોટી ફિલ્મો મોટા સ્ટાર સાથે કરી રહી છે. પોતાની અભિનય ક્ષમતા અને દરેક પ્રકારના રોલમાં ફિટ થઇ જવાની આવડતને કારણે તેણે બોલીવૂડમાં મોટા ચાહકો પણ ઉભા કરી લીધા છે. રકુલપ્રિત હવે આયુષ્યમાન ખુરાના સાથે ફિલ્મ 'ડોકટરજી'માં ભુમિકા નિભાવશે. અનુભુતિ કશ્યપ દ્વારા નિર્દેશીત આ ફિલ્મ માટે લાંબા સમયથી મુખ્ય અભિનેત્રીની તલાશ હતી. હવે રકુલપ્રિતને આ રોલ માટે પસંદ કરવામાં આવી છે. થોડા મહિનાઓ પહેલા રકુલપ્રિતનું નામ પણ ડ્રગ્સ કેસમાં ઉછળ્યું હતું. કોરોનાથી તે સંક્રમિત પણ થઇ હતી. તેમાંથી બહાર આવી તે ધડાધડ શુટીંગ કરી રહી છે.

અજય દેવગણ અને સિધ્ધાર્થ મલ્હોત્રા સાથેની એક ફિલ્મ પણ તે કરી રહી છે. હવે આયુષ્યમાન સાથે તે મુખ્ય ભુમિકા નિભાવશે. રકુલ અને આયુષ્યમાન પહેલી વાર સાથે કામ કરશે. તે ફિલ્મમાં ડોકટર ફાતિમાનો રોલ નિભાવશે.

(10:16 am IST)
  • કેન્દ્ર શાસિત પ્રદેશ દાદરા નગર હવેલી, દમણ અને દીવ સંપૂર્ણપણે કોરોના મુક્ત સંઘ પ્રદેશ બન્યા: સમગ્ર દેશમાં સૌથી વધુ રિકવરી રેટ સાથે સંઘ પ્રદેશ અગ્રેસર :દિવમાં પ્રવાસન શરૂ હોવા છતાં 100 ટકા રિકવરી રેટ : સંઘ પ્રદેશ વહીવટી તંત્રે નાગરિકોના સહયોગને બિરદાવ્યો access_time 12:00 pm IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો: રાત્રે 11 વાગ્યા સુધીમાં કોરોનાના નવા 12,169 કેસ નોંધાયા :કુલ કેસની સંખ્યા 1, 08,70,555 થઇ :એક્ટિવ કેસ 1,39,477 થયા: વધુ 11,441 દર્દીઓ સ્વસ્થ થતા કુલ 1,05, 71, 062 થયા : વધુ 94 લોકોના મોત સાથે કુલ મૃત્યુઆંક 1,55,375 થયા access_time 1:03 am IST

  • મહારાષ્ટ્ર: થાણે (વેસ્ટ) ના મુલુંડ ચેક નાકા પાસે મોડેલ્લા કોલોનીમાં મોદી સાંજે ભયંકર આગ ફાટી નીકળી છે. ટ્રાફિક પોલીસ અધિકારીઓ અને અગ્નિશમન તંત્રે સ્થળ પર પહોંચીને બચાવ કામગીરી ચાલુ કરી છે. હજી સુધી કોઈ જાનહાનિના અહેવાલ થઈ નથી. access_time 9:15 pm IST