Gujarati News

Gujarati News

News of Saturday, 9th November 2019

અમિતાભ બચ્ચન અને ઇમરાન હાશ્મીની ફિલ્મ 'ચેહરે'ની રિલીઝ ડેટ બદલાઈ

મુંબઈ: સુપરસ્ટાર અમિતાભ બચ્ચન અને ઈમરાન હાશ્મીની આગામી ફિલ્મ 'ચેહરે'ની રિલીઝ ડેટ બદલાઈ ગઈ છે. અમિતાભ અને ઇમરાન પહેલીવાર મોટા પડદા પર સાથે જોવા મળશે. ચાહકો બંનેની જોડીને એક સાથે મોટા પડદે જોવા માટે ઉત્સાહિત છે અને આતુરતાથી ફિલ્મની રાહ જોઇ રહ્યા છે. પરંતુ હવે ચાહકોને થોડી વધુ રાહ જોવી પડશે કારણ કે નિર્માતાઓએ ફિલ્મની રિલીઝની તારીખ વધારી દીધી છે.તમને જણાવી દઇએ કે અગાઉ ફિલ્મ આવતા વર્ષે 21 ફેબ્રુઆરીએ રિલીઝ થવાની હતી, પરંતુ હવે તે 24 એપ્રિલ 2020 ના રોજ રીલિઝ થશે. વેપાર વિશ્લેષક તરણ આદર્શે ટ્વીટ કરીને માહિતી સોશિયલ મીડિયા પર આપી છે. ફિલ્મનું ફર્સ્ટ લુક પોસ્ટર શેર કરતી વખતે તેણે કહ્યું હતું કે ફિલ્મ આવતા વર્ષે 21 ફેબ્રુઆરીએ નહીં પરંતુ 24 એપ્રિલના રોજ રિલીઝ થશે.

(5:32 pm IST)
  • આજ નો દિવસ ભારતના ઇતિહાસમાં સુવર્ણ અક્ષરે લખવામાં આવશે : શિવ સેના ના સુપ્રીમો ઉદ્ધવ ઠાકરે કહ્યું હતું કે દરેક સુપ્રીમ કોર્ટનો ચુકાદો સ્વીકાર્ય છે. હું ૨૪ નવેમ્બરે અયોધ્યા ની મુલાકાતે જઈશ ઉદ્ભવ ઠાકરે a કહ્યું હતું કે હું એલ કે અડવાણી ને મળવા પણ જઈશ અને તેમને અભિનંદન આપીશ તેઓએ આ કાર્ય માટે રથયાત્રા કાઢી હતી હું ચોક્કસ તેમને મળી અને આશીર્વાદ લઈશ access_time 6:31 pm IST

  • ઇમરાનખાન રાજીનામુ આપે અથવા ત્રણ મહિનામાં સામાન્ય ચૂંટણી કરાવે : મૌલાનાએ રાખી શરત : મૌલાના ફૈઝલે પંજાબ વિધાનસભાના સ્પીકર ચૌધરી પરવેઝ ઇલાહી મારફત ઇમરાન અને સરકારની સમિતિને મોકલ્યો સંદેશ : મૌલાનાએ કહ્યું કે જો પીએમનું રાજીનામુ સંભવ નથી તો ત્રણ મહિનાની અંદર નવેસરથી સામાન્ય ચૂંટણી કરવો : સરકાર પાસે આ જ બે વિકલ્પ છે જેમાંથી કોઈ એકની પસંદગી કરવી પડશે access_time 1:15 am IST

  • મનીષા ગોસ્વામીને બાર દિવસની રિમાન્ડ પર સોંપવા કોર્ટનો હુકમ : કચ્છને હચમચાવનાર જયંતી ભાનુશાળી હત્યા કેસના મુખ્ય આરોપી મનીષા ગોસ્વામી અને સુરજીતભાઈને ભચાઉ અદાલતે બાર દિવસના રિમાન્ડ ઉપર પોલીસને સોંપેલ છે. સરકાર પક્ષે ખાસ સરકારી ધારાશાસ્ત્રી તરીકે શ્રી અભયભાઈ ભારદ્વાજ અને શ્રી તુષાર ગોકાણીએ ધારદાર દલીલો કરી હતી. access_time 6:07 pm IST