Gujarati News

Gujarati News

News of Monday, 9th July 2018

આઇટમ સોંગ નહિ કરે જૈકલીન ફર્નાન્ડીઝ

સાજીદ નડિયાદવાલાની હાઉસફુલ-૪નું કામ ઝડપથી ચાલી રહ્યું છે. આ મલ્ટીસ્ટારર ફિલ્મમાં અક્ષય કુમાર, રિતેશ દેશમુખ, સંજય દત્ત, બોબી દેઓલ ફાઇનલ થઇ ગયા છે. ક્રિતી સેનન, કૃતિ ખરબંદા અને પૂજા હેગડેને પણ હીરોઇનના રોલ આપી દેવાયા છે. નિર્દેશક સાજીદ ખાન આ ફિલ્મમાં જૈકલીન ફર્નાન્ડીઝ એક આઇટમ સોંગમાં કામ કરે તેવું ઇચ્છતા હતાં. પણ જૈકલીન આ માટે રાજી થઇ નથી. એમ કહેવાય છે કે એક સમયે સાજીદ ખાન અને જૈકલીન રિલેશનમાં રહ્યા હતાં. પછી અલગ થઇ ગયા હતાં. જૈકલીને હાઉસફુલ-૨ અને ૩માં હીરોઇન તરીકે કામ કર્યુ હતું. પણ નિર્દેશક તરીકે સાજીદ ખાનની એન્ટ્રી થતાં જ આ ફિલ્મમાંથી તે ખસી ગઇ છે. તેની પાસે હાલમાં કિક-૨ અને સલમાન સાથેની જ એક ડાન્સ ફિલ્મ છે.

(9:01 am IST)
  • મુકેશ અંબાણી વધુ પાંચ વર્ષ માટે રિલાયન્સ ઇન્ડસ્ટ્રીઝ લિમિટેડના ચેરમેન અને મેનેજિંગ ડિરેક્ટર બની ગયા છે. કંપનીના શેરધારકોએ મુકેશ અંબાણીના કાર્યકાળને પાંચ વર્ષ માટે વધારવા માટેના પ્રસ્તાવને મંજૂરી આપી દીધી છે. તેઓ 1977થી કંપનીના મેનેજમેન્ટમાં શામેલ છે. જુલાઈ 2002મા તેમના પિતા ધીરુભાઈ અંબાણીના નિધન બાદ તેમને કંપનીના ચેરમેન બનાવવામાં આવ્યા હતા. access_time 12:15 am IST

  • જામનગરના કાલાવડના અમરનાથ યાત્રિકોને અકસ્માત : ભેખડ પડતા મનસુખભાઈ જેઠવાને ઇજા : રાજકોટની હોસ્પિટલમાં સારવાર માટે દાખલ : કાલાવડના 11 શ્રદ્ધાળુઓ અમરનાથ યાત્રાએ ગયેલા : બાબાના દર્શન કરીને પરત ફરતી વેળાએ ભેખડ પડતા ઇજા access_time 9:51 pm IST

  • NCTEએ ગુજરાતની 13 બીએડ કોલેજો બંધ કરવાનો નિર્ણય લીધો:કેટલીક કોલેજો સ્ટાફના અભાવે બંધ કરવા અને કેટલીક કોલેજોમાં લાયકાત વગરનો સ્ટાફ હોવાથી બંધ કરવાનો નિર્ણય:કેટલીક કોલેજોએ સ્ટાફ અને કોલેજ બિલ્ડિંગના યોગ્ય ડોક્યુમેન્ટ ના આપતા NCTE બંધ કરવાનો નિર્ણય લીધો છે access_time 1:40 pm IST