Gujarati News

Gujarati News

News of Saturday, 9th June 2018

સુપર સ્ટાર સલમાનખાન નથએટર ચેઇન શરૂ કરશેઃ મફતમાં ફિલ્મ બતાવશે

મુંબઈ : એક્ટિંગ, સિંગિંગ, પ્રોડક્શન, ડિસ્ટ્રિબ્યૂશન અને પેઈન્ટિંગસુપરસ્ટાર સલમાન ખાન કઈ-કઈ ફિલ્ડમાં હાથ અજમાવશે તે કહેવું મુશ્કેલ છે. જાણવા મળી રહ્યું છે કે, સલમાન હવે થિએટર ચેઈન શરૂ કરવા જઈ રહ્યો છે એટલે કે, તે ઘણા બધા થિએટર્સ ખોલશે. કહેવામાં આવી રહ્યું છે કે, સલમાનનો આ નિર્ણય ફિલ્મ બિઝનેસમાં ક્રાંતિકારી ફેરફાર લાવી શકે છે.

સલમાન પોતાની આગામી ફિલ્મ રેસ 3’ અને લવરાત્રિદ્વારા ડિસ્ટ્રીબ્યૂટર તો બની જ ચૂક્યો છે અને હવે તે પોતાની થિએટર ચેઈન શરૂ કરવા જઈ રહ્યો છે જેની શરૂઆત પણ થઈ ચૂકી છે. જાણવા મળી રહ્યું છે કે, મુંબઈના બહારી વિસ્તારમાં સલમાને પોતાના પહેલા થિએટરનું નિર્માણ કાર્ય પણ શરૂ કરાવી દીધું છે. આ થિએટર્સની ખાસ વાત એ હશે કે, ત્યાં મૂવીની ટિકિટ ખૂબ જ સસ્તા ભાવે મળશે અને ટેક્સ-ફ્રી હશે. આ ઉપરાંત તે ગરીબ બાળકોને મફતમાં મૂવી ટિકિટ આપશે.

સલમાનનો થિએટર ચેઈન લાવવા પાછળનો એક જ હેતુ છે કે, લોકો સસ્તા ભાવે ફિલ્મો જોઈ શકે. આનાથી લોકોની ફિલ્મો પ્રત્યેની જાગૃતતા વધશે અને વધારે લોકો ફિલ્મ જોવા માટે થિએટરમાં જશે. સલમાને કહ્યું કે, તે આ પ્રૉજેક્ટ વિશે ઘણા વખતથી વિચારી રહ્યો હતો પણ કેટલાક કારણોસર તેને શરૂ થવામાં વિલંબ થઈ ગયો. આ થિએટર્સ નાના શહેરો, કસબાઓ અને મુંબઈના બહારના વિસ્તારોમાં બનશે.

ઉલ્લેખનીય છે કે, સલમાન ફિલ્મ રેસ 3’માં એક્શન પેક્ડ અવતારમાં દેખાશે. ફિલ્મ ઈદ પર એટલે કે, 15 જૂને રિલીઝ થશે અને આમા, જેકલીન ફર્નાન્ડિઝ, અનિલ કપૂર, સાકિબ સલીમ, બૉબી દેઓલ પણ જોવા મળશે.

(11:23 pm IST)
  • હવામાન વિભાગે આગામી ચાર-પાંચ દિવસ માટે ચેતવણી આપી છે, જે મુજબ દેશના ઘણા વિસ્તારોમાં આંધી-તોફાન અને ભારે વરસાદની આશંકા વ્યક્ત કરવામાં આવી છે. મુંબઈ, કોંકણ, કર્ણાટક, ઉત્તર પ્રદેશ, દિલ્હી, હરિયાણા, હિમાચલ પ્રદેશથી લઈને બંગાળ સુધી આંધી-તોફાન અને ભારે વરસાદની સંભાવના વ્યક્ત કરાઈ છે. આ સાથે દરિયાઈ વિસ્તારોમાં માછીમારોને દરિયો ન ખેડવા સૂચના અપાઈ છે. access_time 2:40 am IST

  • એક સેટમાં પાછળ રહ્યાં બાદ રોમાનિયાની સિમોના હાલેપે શાનદાર કમબેક કરતા સ્લોએને સ્ટીફન્સને ફ્રેન્ચ ઑપનની ફાઈનલમાં હરાવી પહેલું ગ્રાન્ડસ્લેમ પોતાના નામે કર્યું. દુનિયાની નંબર 1 ખેલાડી હાલેપે બે કલાક અને ત્રણ મિનિટ ચાલેલી આ મેચમાં 3-6, 6-4, 6-1થી જીત મેળવી. અગાઉ હાલેપ ત્રણ ગ્રાન્ડસ્લેમ ફાઈનલમાં હારી ચૂકી છે જેમાં બે વખત રોલેન્ડ ગેરો પર મળેલી હાર પણ શામેલ છે. access_time 2:38 am IST

  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST