Gujarati News

Gujarati News

News of Friday, 9th April 2021

કન્નડ બિગ બોસ-7ની સ્પર્ધક ચૈત્રએ ફિનાઈલ ગટગટાવ્યું : પતિ સહિત સાસરવાળા પર લગાવ્યો ઘરેલુ હિંસાનો આરોપ

મુંબઈ: બિગ બોસ કન્નડની સિઝન 7 ના પૂર્વ સ્પર્ધક ચૈત્ર કોટુરે 8 એપ્રિલે ફિનાઇલ પીને આત્મહત્યા કરવાનો પ્રયાસ કર્યો હતો. અહેવાલો અનુસાર ચૈત્ર તે સમયે કોલરમાં તેના ઘરે હતી. હાલત વધુ વણસી જતા તેને તાત્કાલિક હોસ્પિટલમાં ખસેડવામાં આવી હતી . ચૈત્રની હાલત હવે સારી છે. કહેવામાં આવી રહ્યું છે કે તેણે સાસરિયાઓ ઉપર ગંભીર આક્ષેપો કર્યા છે. અહેવાલો અનુસાર, ચૈત્રએ ગયા મહિને ઉદ્યોગપતિ નાગાર્જુન સાથે લગ્ન કર્યા હતા. મંદિરમાં તેમના લગ્નની તસવીર પણ વાયરલ થઈ હતી. એક  અહેવાલ મુજબ એક પોલીસ અધિકારીએ જણાવ્યું કે ચૈત્ર ઘણા વર્ષોથી નાગાર્જુન સાથે સંબંધમાં હતી. એવા અહેવાલો છે કે નાગાર્જુનના ઘરના સભ્યો આ લગ્ન માટે તૈયાર નથી અને તેણે ચૈત્રને ઘરમાં પ્રવેશવા દીધી ન હતી. અહેવાલો અનુસાર ચૈત્રએ પોતાના નિવેદનમાં જણાવ્યું છે કે નાગાર્જુનનાં પરિવારે તેમને સારો કહ્યો હતો અને જાનથી મારી નાખવાની ધમકી આપી હતી. આત્મહત્યાના પ્રયાસ બાદ બંને લોકોના પરિવારજનોને પણ પોલીસ મથકે પહોંચવા હાકલ કરવામાં આવી હતી.

(5:22 pm IST)
  • રાજકોટ જિલ્લામાં કોરોના મહામારીની પરિસ્થિતિ અતિભયજનક બની : આજે સાંજ સુધીમાં રાજકોટ શહેરમાં 427 અને ગ્રામ્યના 93 કેસ સાથે કુલ અધધધ 520 નવા કોરોના ના કેસ નોંધાયા : લોકો ધ્રુજી ઉઠ્યા access_time 7:36 pm IST

  • જાણીતા રમતવીર શ્રેયસ અય્યરની સફળતાપૂર્વક સર્જરી કરવામાં આવી : તેમને તાજેતરમાં ઈંગ્લેન્ડ સામેના વન-ડે મેચ દરમિયાન હાથ ઉપર ગંભીર ઈજાઓ થઈ હતી access_time 3:54 pm IST

  • કોરોના રોગચાળો હવે પર્યાવરણ માટે પણ મોટો ખતરો બની ગયો છે. કોરોનાથી બચવાના ઉપાયમાં સિંગલ યુઝ માસ્ક અને પીપીઇ કીટ સૌથી મહત્વપૂર્ણ છે. દરરોજ કરોડોની સંખ્યામાં તેનો ઉપયોગ રોજ કરવામાં આવી રહ્યો છે, પરંતુ તેમને સુરક્ષિત રીતે નષ્ટ કરવા માટે કોઈ ફ્રેમવર્ક તૈયાર કરવામાં આવ્યું નથી. ખરાબ કે તૂટેલા માસ્ક વિશ્વભરમાં જમીન, સમુદ્ર અને નદીઓ માટે જોખમ બની ગયા છે. તબીબી કચરા તરીકે તેનો નાશ કરવાને બદલે, તેને ક્યાંય પણ ફેંકી દેવામાં આવી રહ્યા છે. access_time 10:04 pm IST