Gujarati News

Gujarati News

News of Friday, 9th March 2018

4 એપ્રિલે ચીનમાં રિલીઝ થશે 'હિન્દી મીડીયમ'

મુંબઈ:ટોચના અભિનેતા ઇરફાન ખાનની હિટ નીવડેલી ફિલ્મ હિન્દી મિડિયમ આવતા મહિને ચીનમાં રજૂ થશે એેવી જાણકારી મળી હતી. દેશના વિવિધ રાજ્યોમાં અંગ્રેજી મિડિયમની સ્કૂલોમાં બાળકોને ભણાવવાની જે ઘેલછા હાલ માબાપોમાં પ્રવર્તે છે એને કારણે પ્રાદેશિક ભાષાઓની સ્કૂલો બંધ થઇ રહી છે એ હકીકત પર આધારિત હિન્દી મિડિયમ ફિલ્મ ઘરઆંગણે હિટ નીવડી હતી. એટલે હવે એને ચીનમાં રજૂ કરવાની યોજના છે. એપ્રિલની ચોથીએ આ ફિલ્મ ચીનમાં રજૂ થશે. અત્યાર અગાઉ આમિર ખાનની થ્રી ઇડિયટ્સ, દંગલ અને હાલ સિક્રેટ સુપર સ્ટાર ચીનમાં ચાલી રહી છે અને ધીંગી કમાણી કરી રહી છે. આમિરનું જોઇને સલમાન ખાને પણ પોતાની ટાઇગર જિંદા હૈ ફિલ્મ ચીનમાં રિલિઝ કરાવી હતી. આ ફિલ્મે રજૂ થયાના પાંચ છ દિવસમાં ૯૦ કરોડની કમાણી પણ નાંધાવી હતી. એ જોતાં હિન્દી મિડિયમના સર્જકોને ચીનમાં પોતાની ફિલ્મ રજૂ કરવાની ઇચ્છા જાગે એ સમજી શકાય એવી હકીકત હતી. ચીનમાં દિવસે દિવસે વધુ ને વધુ ભારતી ફિલ્મો રજૂ થવા માંડી છે.

(4:56 pm IST)
  • INX મીડિયા કૌભાંડ કેસમાં કાર્તિ ચિદમ્બરમને વધુ ત્રણ દિવસની સીબીઆઈ રિમાન્ડ ઉપર સોંપવા અદાલતનો આદેશ access_time 12:03 am IST

  • દુનિયાના મહાન વૈજ્ઞાનિક આઈનસ્ટાઈને 42 વર્ષની ઉંમરે તેનાથી 20 વર્ષ નાની ઉંમરની યુવતીને પ્રેમ પત્ર લખ્યો હતો. જો કે આ પ્રેમ પત્ર વિશે ભાગ્યે જ કોઈ જાણતું હશે. આલબર્ટ આઈનસ્ટાઈનના 97 વર્ષ પહેલા લખાયેલા આ પત્રની ઈઝરાયેલની રાજધાની જેરુસેલમમાં 4 લાખ રૂપિયામાં હરાજી થઈ. જો કે એલીસાબેટ્ટા પીસીની નામની એ યુવતીએ આઈનસ્ટાઈનના પ્રેમનો સ્વીકાર કર્યો નહોતો. access_time 12:41 am IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST