Gujarati News

Gujarati News

News of Thursday, 8th March 2018

મારા માટે રોલના નાના-મોટાનું મહત્વ નથી: ઇલિયાના ડીક્રુજ

મુંબઇ: અભિનેત્રી ઇલિયાના ડિક્રૂઝે કહ્યું હતું કે ફિલ્મ સ્વીકારતી વખતે હું જોતી નથી કે રોલ કેટલો લાંબો છે. હું જોઉં છું કે રોલ કેટલો બળકટ છે. 'રોલ લાંબો હોય પરંતુ એમાં કશું કરવાનું હોય અથવા હીરોના હાથવાટકા જેવું કામ કરવાનું હોય તો એવી ફિલ્મ કરવાનો કશો અર્થ રહેતો નથી. મને કોઇ ફિલ્મની ઑફર આવે ત્યારે હં જોઉં છું કે રોલ કેટલો બળકટ છે ? મારી પ્રતિભાને અનુરૃપ એમાં કંઇ કરવાનું છે કે કેમ ? એમ ઇલિયાનાએ કહ્યું હતું. હાલ અજય દેવગણ સાથે ઇલિયાનાએે રેડ ફિલ્મ કરી છે જે ૧૬ માર્ચે રજૂ થવાની છે. એમાં એક ઇમાનદાર ઇન્કમટેક્સ અધિકારીની પત્નીનો રોલ એણે કર્યો છે. અત્યાર અગાઉ એની છેલ્લી બે ફિલ્મો અર્જુન કપૂર અને અનિલ કપૂર સાથે મુબારકાં અને અજય દેવગણ સાથે બાદશાહો હિટ નીવડી હતી. એણે એક મુલાકાતમાં કહ્યું કે ત્રણ મોટી ફિલ્મો કર્યા બાદ મને લાગે છે કે મારે એકાદ ટૂંકો બ્રેક લેવો જોઇએ. એકધારું કામ માણસને થકવી દે છે અને કામની ગુણવત્તાને અસર થાય છે. એણે કહ્યું કે અમે બાદશાહોનું પ્રમોશન કરતા હતા ત્યારે અજયે મને ફિલ્મ રેડ કરવાનું સૂચવ્યું હતું અને અજયના સૂચનને સ્વીકારીને મેં રેડ ફિલ્મ લઇ લીધી હતી. આમ એક પછી એક ત્રણ મોટી ફિલ્મો કર્યા પછી હવે હું બ્રેક લેવાનું વિચારી રહી છું.

 

 

(5:52 pm IST)
  • સૌરાષ્ટ્ર યુનિવર્સીટીમાં અનામત મુદ્દે પરિપત્રની હોળી કરાઈ :જૂની પધ્ધતિ મુજબ જ અમલીકરણ ચાલુ રાખવા માંગણી :કેમ્પસ ઉપર ગ્રાન્ટ કમિશનના પરિપત્રની હોળી access_time 12:06 am IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST

  • બિટકોઇનના ભાવમાં તોફાની ઘટાડો નોંધાતો જોવા મળ્યો છે. બિટકોઇન ૯૦૦૦ની સપાટી તોડી ૮,૯૭૪ના મથાળે જોવા મળ્યો હતો. એક સપ્તાહમાં બિટકોઇનના ભાવમાં ૧૮ ટકાનો ઘટાડો નોંધાતો જોવા મળ્યો છે. છેલ્લા ૨૪ કલાકમાં બિટકોઇનના ભાવમાં સાત ટકાથી વધુનું ગાબડું પડ્યું છે. access_time 4:46 pm IST