Gujarati News

Gujarati News

News of Thursday, 8th March 2018

બોલિવૂડ અભિનેતા જિતેન્દ્ર વિરૂધ્ધ નોંધાઇ જાતીય શોષણની ફરિયાદ

પોલીસે શરૂ કરી તપાસ

નવી દિલ્હી તા. ૮ : શિમલા પોલીસે બોલીવુડ અભિનેતા જિતેન્દ્ર વિરૂદ્ઘ મહિલાની સાથે જાતીય શોષણ કર્યાની ફરિયાદ નોંધાઈ છે. પીડિત મહિલાએ પોલીસને ફરિયાદ કરી હતી કે જિતેન્દ્રએ તેની સાથે જાન્યુઆરી ૧૯૭૧માં જાતીય શોષણ કર્યું હતું. તે સમયે તે ૧૮ વર્ષની હતી જયારે જિતેન્દ્રની ઉંમર ૨૮ વર્ષની હતી. પોલીસે હાલમાં મળેલી ફરિયાદને આધારે કેસ દાખલ કર્યો છે અને તપાસ શરૂ કરી છે.

 

શિમલાના એસપી ઓમાપતિ જામવાલે કહ્યું કે આ મામલે પોલિસ ફરિયાદના આધારે એફઆઈઆર નોંધી છે. અમે આ મામલે તમામ મુદ્દે તપાસ કરી રહ્યા છે. ઉલ્લેખનીય છે કે પીડિતાએ પોલીસને ઈમેલ કરીને પોતાની ફરિયાદ નોંધાવી હતી. પોલીસ અધિકારી અનુસાર કેસની ગંભીરતાને ધ્યાનમાં રાખતા પીડિતાને બોલાવીને તેનું નિવેદન નોંધવામાં આવી શકે છે. હાલમાં કેસ માત્ર ઈમેલના આધારે નોંધવામાં આવ્યો છે.

જિતેન્દ્ર પર તેની સાવકી બહેને આ આરોપ લગાવ્યો છે. પીડિતાનો આરોપ છે કે જિતેન્દ્ર તે સમયે પોતાની ફિલ્મના શૂટિંગ માટે દિલ્હીથી શિમલા આવ્યા હતા. શિમલા આવ્યા બાદ તે પીડિતાને મળવા માટે તેના રૂમમાં આવ્યા. આ દરમિયાન તેણે પીડિતાનું જાતીય શોષણ કરવાનો પ્રયત્ન કર્યો હતો.

(9:58 am IST)
  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST

  • સરકાર કુટુંબ નિયોજનને પ્રોત્સાહન આપે અને એવા પગલાં લ્યે જેથી દેશના લોકોને 2 બાળકોની પોલિસીને અનુસરવા માટે ઉત્સાહ મળે આવી માંગણી કરતી જાહેરહિતની અરજી સુપ્રીમમાં દાખલ access_time 12:07 am IST

  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST