Gujarati News

Gujarati News

News of Friday, 9th February 2018

માધુરીના એક..દો....તીન....ગીતના નવા વર્જન પર ડાન્સ કરશે જેકલીન

મુંબઈ:ટાઈગર શ્રોફ અને દિશા પાટની અભિનિત ફિલ્મ બાગી-૨માં જેકલીન ફર્નાન્ડિસ આઈટમ સોન્ગ કરતી નજરે પડશે. ખાસ વાત એ છે કે, આ આઈટમ સોન્ગ બોલીવુડની એક સમયની દિગ્ગજ અભિનેત્રી માધુરી દીક્ષિતના એક દો તીન...ગીતનુ નવુ વર્જન હશે. 
લક્ષ્મીકાંત પ્યારેલાલની ધૂન પર બનેલ આ ગીતમાં અલ્કા યાજ્ઞિાકે અવાજ આપ્યો હતો, જ્યારે સરોજ ખાને તેનુ કોરીયોગ્રાફી કર્યુ હતું. ત્યારે હવે ૩ દાયકા બાદ સરોજ ખાનના માર્ગદર્શન હેઠળ અહમદ ખાન આ ગીતને ફરી રીક્રિએટ કરી રહ્યા છે. અહમદ ખાન બાગી-૨ ફિલ્મના ડાયરેક્ટર છે. અહમદ આ પહેલા ચોલી કે પીછે ગીતમાં સરોજ ખાનના આસિસ્ટન્ટ તરીકે કામ કરી ચુક્યા છે. એક..દો...તીન ગીતના નવા વર્જનની કોરીયોગ્રાફીનું કામ ગણેશ આચાર્યને સોંપવામાં આવ્યુ છે. 
ગણેશ આચાર્ય પોતે ઓરીજનલ ગીતમાં બેકઅપ ડાંસર તરીકે પણ હતા. આ અંગે અહમદ ખાને જણાવ્યુ હતું કે, એક દો તીન.. ગીત ફિલ્મની વાર્તામાં બિલકુલ ફિટ બેસે છે. આ બોલીવુડના અત્યાર સુધીના સૌથી લોકપ્રિય ગીત પૈકીનું એક છે. મેં ગણેશને સરોજજીના સ્ટેપ નવા ગીતમાં પમ રાખવા જમાવ્યુ છે.તેમજ ડિઝાઈનર મનીષ મલ્હોત્રાને માધુરી દીક્ષિતના પિંક આઉટફિટને ધ્યાનમાં રાખી જેકલીનનો કોસ્ચ્યુમ ડિઝાઈન કરવા જણાવ્યુ છે.

(5:13 pm IST)
  • ભાજપ ' કેચ-૨૨' સ્થિતિમાં : પેટા ચુંટણીમાં રકાસ છતાં વસુંધરા રાજેનો કોઇ સબળ વિકલ્પ નથીઃ રાજસ્થાનમાં ભાજપ એવી મુંઝવણમાં છે કે વસુંધરા રાજેને હટાવી પણ શકે તેમ નથી અને સાથે પણ રાખી શકે તેમ નથી access_time 4:08 pm IST

  • ઉત્તર પ્રદેશના મુખ્યપ્રધાન બન્યા બાદ યોગી આદિત્યનાથની ખાલી પડેલી ગોરખપુર લોકસભા બેઠક પર પેટા ચૂંટણીની જાહેરાત કરવામાં આવી છે. ગોરખપુર ઉપરાંત ફૂલપુર લોકસભા બેઠક પર 11મી માર્ચે મતદાન કરવામાં આવશે. ફૂલપુર બેઠક કેશવ પ્રસાદ મૌર્ય નાયબ મુખ્યમંત્રી બન્યા બાદ ખાલી પડી હતી. આ ઉપરાંત બિહારના અરરિયા લોકસભા બેઠક અને ભભુઆ, જહાનાબાદ વિધાનસભાની 2 બેઠકોની પેટાચૂંટણી માટે પણ 11 માર્ચના રોજ મતદાન કરવામાં આવશે અને મતગણતરી 14 માર્ચાના રોજ કરાશે. access_time 2:37 pm IST

  • દિલ્હીના હવાઈ મથક પરથી ૬ કારતુસ સાથે એક મુસાફર ઝડપાયોઃ કેન્દ્રિય ઓદ્યોગીક સુરક્ષા બળ (સીઆઈએસએફ)એ દિલ્હીના ઈન્દીરા ગાંધી આંતરરાષ્ટ્રીય હવાઈ મથક પરથી કોચ્ચિ જતા એક મુસાફરને ૬ કારતુસ સાથે ઝડપ્યો : મુસાફરી પહેલા થતી સુરક્ષા તપાસ દરમિયાન મુસાફરની હેન્ડ બેગમાંથી ૦.૩૨ એમએમના ૬ કારતુસ મળી આવ્યા access_time 4:08 pm IST