Gujarati News

Gujarati News

News of Friday, 9th February 2018

દિપીકા સાથે ફિલ્મ કરવા ઉત્સાહિત છે વિશાલ ભારદ્વાજ

અભિનય થકી બોલીવૂડમાં ટોચ પર પહોંચેલી દિપીકા પાદુકોણ હવે ગેંગસ્ટરના રોલમાં જોવા મળવાની છે. ફરી એકવાર તે એવી ફિલ્મ કરી રહી છે જેમાં મહિલા મુખ્ય પાત્ર હોય. આ ફિલ્મનું નિર્દેશન વિશાલ ભારદ્વાજ કરશે. દિપીકાએ કહ્યું હતું કે આ ફિલ્મ હુશેન જાયદીના પુસ્તક માફિયા કવીન્સ ઓફ મુંબઇ પર આધારીત છે. આ એક સત્ય કહાની છે. આ માટે હું ખાસ વર્કશોપ કરી રહી છું. આ ફિલ્મ માટે મારે ખુબ કામ કરવું પડે તેમ છે. આ મહિલાની કહાની બધાને જાણવા મળશે. બીજી તરફ દિપીકા ઇરફાન ખાન સાથે પણ કામ કરવાની છે. અગાઉ તે પીકૂ ફિલ્મમાં સાથે કામ કરી ચુકયા છે. વિશાલની ફિલ્મ આ વર્ષના અંતમાં રિલીઝ થશે. વિશાલે આ ફિલ્મની સ્ક્રિપ્ટ એક-બે વર્ષ પહેલા લખી હતી. તેણે કહ્યું હતું કે હું દિપીકા સાથે કામ કરવા ખુબ ઉત્સાહિત છું. તે એવી અભિનેત્રી છે જેને કેમેરો ખુદ પસંદ કરે છે.

(9:46 am IST)
  • જાપાને એક વધુ સફળતા મેળવી છે જેમાં જાપાને વિશ્વના સૌથી નાના રોકેટનો ઉપયોગ કરી એક ઉપગ્રહને સફળતાપૂર્વક પ્રક્ષેપિત કર્યો હતો. જાપાની અંતરિક્ષ એજન્સી 'JAXA'એ જણાવ્યું હતું કે, SS-520 નામનું આ રોકેટ લૈપ પોસ્ટ આકારનું છે અને તેનો વ્યાસ 50 સેન્ટીમીટર છે. એક રિપોર્ટ મુજબ ઇસરોના અધ્યક્ષ કે. સિવને જણાવ્ચું છે કે તેઓ પણ આવા નાના યાન બનાવવાની યોજના ઘડી રહ્યા છે access_time 9:39 am IST

  • કિમ જોંગની પરમાણુ ધમકીથી અમેરીકા ચિંતીતઃ ઉત્તર કોરિયાઈ કિમ જોંગ ઉને ફરી એકવાર જણાવ્યું કે, પરમાણુ અને મિસાઈલ પરીક્ષણ કરનાર ઉત્તર કોરિયા વિશ્વ સ્તરીય સૈન્ય મહાશકિત બની ગયું છે : હવે કોઈ પણ દેશ ઉત્તર કોરિયા તરફ ખરાબ નજરથી જોશે તો તેને પરીણામ ભોગવવા માટે તૈયાર રહેવું પડશે access_time 4:12 pm IST

  • NEETની પરીક્ષા આગામી 6 મેના રોજ સવારે 10 વાગ્યાથી બપોરે 1 વાગ્યા દરમ્યાન લેવામાં આવશે. નીટની પરીક્ષા અંગે CBSEએ નોટિફિકેશન બહાર પાડ્યું છે. જે મુજબ વિદ્યાર્થીઓ http://cbseneet.nic.in વેબસાઈટ પર ઓનલાઇન અરજી કરી શકશે. સીબીએસઇ દ્વારા રજીસ્ટ્રેશનની પ્રક્રિયા શરૂ કરી દેવામાં આવી છે. CBSE દ્વારા માન્ય કરાયેલી ગુજરાતી સહિતની 8 ભાષાઓમાં NEETની પરીક્ષા લેવામાં આવશે. access_time 2:56 pm IST