Gujarati News

બોલીવૂડનો સિંઘમ અજય દેવગણ ફિલ્મમાં અભિનય કરવાની સાથે ફિલ્મોનું નિર્માણ પણ કરી રહ્યો છે. તેના નિર્માણ હેઠળ હવે છત્રપતિ શિવાજી મહારાજ પર એક ફિલ્મ બની રહી છે. આ ફિલ્મનું કામ શરૂ થઇ ગયું છે. અજય દેવગણ હાલમાં પોતાની આવનારી ફિલ્મ તાનાજી-ધ અનસંગ વોરિયરના પ્રમોશનમાં વ્યસ્ત છે. આ ફિલ્મમાં અજયએ તાનાજી માલસુરેનો રોલ નિભાવ્યો છે. તાનાજી પર ફિલ્મ બનવાની શરૂઆત થઇ ત્યારથી જ છત્રપતિ શિવાજી મહારાજના જીવન પરથી ફિલ્મ બનાવવાની ચર્ચા શરૂ થઇ હતી. હવે આ બાયોપિકનું કામ શરૂ થઇ ગયું છે. અજયને જ્યારે પુછાયુ કે શિવાજી મહારાજના રોલ માટે કોને પસંદ કર્યા છે? ત્યારે તેણે તુરત જ રિતેશ દેશમુખનું નામ લીધું હતું. અજયએ જો કે વધુ વિગતો આ ફિલ્મ વિશે જણાવી હતી. તાનાજી ફિલ્મમાં પણ શિવાજી મહારાજની ભુમિકા છે. આ રોલ શરદ કેલકરે નિભાવ્યો છે. અજય સાથે  ફિલ્મમાં તેની પત્નિ કાજોલ પણ છે. આ ફિલ્મ દસમી જાન્યુઆરીએ રિલીઝ થવાની છે.