Gujarati News

Gujarati News

News of Saturday, 8th December 2018

અલી ફજલે સ્વીકાર્યું બનશે મિર્જાપુર -2

મુંબઈ:અભિનેતા અલી ફઝલે એવા સમાચારને સમર્થન આપ્યું હતું કે હિટ વેબ સિરિઝ મિર્ઝાપુરની બીજી સીઝન બનવાની તૈયારી થઇ રહી હતી.આ સિરિઝમાં અલી ફઝલે ઉત્તર પ્રદેશના એક માથાભારે ગુંડા ગુડ્ડુનો રોલ કર્યો હતો જેને જબરદસ્ત આવકાર મળ્યો હતો . અલબત્ત, અલીની હજારો મહિલા ફેેન્સે અલીની આ રોલ કરવા માટે ટીકા કરી હતી.આ રોલ કરવા માટે અલીએ પોતાનું નામ બદલવા ઉપરાંત ઉત્તર પ્રદેશના એક સાચ્ચા ડૉન સાથે થોડો સમય વીતાવ્યો હતો અને એ લોકોની રહેણીકરણી, વાતચીતની સ્ટાઇલ તથા મેનરીઝમ સમજી લીધાં હતાં. ત્યારબાદ પોતાનું અતિ ક્રૂર લાગતું ગુડ્ડુનું પાત્ર ભજવ્યું હતું. આ એક ક્રાઇમ થ્રીલર વેબ સિરિઝ હતી જેને જોરદાર આવકાર સાંપડતાં એના સર્જકોએ બીજી સીઝન કરવાનો નિર્ણય લીધો હતો.એક મિડિયા રિપોર્ટમાં આ બાતમી પ્રગટ થતાં મિડિયાએ અલીને પૂછ્યું હતું અને અલીએ આ વાતને સમર્થન આપ્યું હતું. જો કે વધુ કંઇ કહેવાનો એણે ઇનકાર કર્યો હતો.આ સિરિઝમાંં અલી ઉપરાંત પંકજ ત્રિપાઠી, વિક્રમ મેસી, દિવ્યેન્દુ શર્મા, રસિકા દુગલ, શ્રીયા પિલગાંવકર અને શ્વેતા ત્રિપાઠી ચમક્યાં હતાં.  પહેલી સીઝનના ડાયરેક્ટર પ્રદીપ સરકાર હતા.

(4:58 pm IST)
  • રોબર્ટ વાડ્રા વિરુદ્ધ બદલાની ભાવનાથી કામ કરી રહી છે મોદી સરકાર :વાડ્રા વિરુદ્ધ ઇડીની કાર્યવાહીથી કોંગ્રેસ ગિન્નાઈ :વિધાનસભાની ચૂંટણીમાં હાર ભાળી જવાથી હતાશ થઈને ઇડીના દરોડા પાડયા :કોંગ્રેસ પ્રવક્તા રણદીપ સુરજેવાલાએ કહ્યું કે બદલો લેવા જુના હથિયારોનો સહારો લઈને લોકોનું ધ્યાન ભટકવા પ્રયાસ કર્યો :આ પ્રકારની કાયરતા અને ધમકીભરી કાર્યવાહીથી કોંગ્રેસ અને તેના લોકો ઝુકવાના નથી access_time 1:01 am IST

  • જાતીય સતામણી કેસમાં ધરપકડ થયેલ મીકાસિંહનો સંયુક્ત આરબ અમીરાતમાં છુટકારો :17 વર્ષીય બ્રાઝીલીયન મોડલને વાંધાજનક ફોટા મોકલવાના કથિત ફરિયાદ બાદ ગાયક મીકાસિંહની ધરપકડ કરાઈ હતી :તેને બોલીવુડની ફિલ્મમાં કામ અપાવી દેવાનો પણ વાયદો કર્યો હતો :અબુધાબીના રાજદૂતના હસ્તક્ષેપ બાદ મીકાસિંહને મુક્તિ મળી ;હવે બાદમાં અદાલતમાં રજૂ થશે :મીકાસિંહની દુબઈમાં ધરપકડ કરાઈ હતી : ફરિયાદકર્તા પાસે અબુધાબીના વિઝા હોવાથી મીકાસિંહને અબુધાબી લઇ જવાયો હતો access_time 12:43 am IST

  • તેલંગણાના ૨૨ લાખ મતદારોના નામ મતદાર યાદીમાંથી ગુમ :દેશના મુખ્ય ચૂંટણી કમિશનરે પ્રજાની માફી માગી :તેલંગણાના કુલ મતદારોના ૮ ટકા જેટલા મતો મતદાર યાદીમાંથી ગુમ થઈ ગયા છે access_time 10:13 pm IST