Gujarati News

Gujarati News

News of Saturday, 8th December 2018

કેદારનાથ : ગાજ્યા મેહ વરસ્યા નહીં : ડેબ્યુ ફિલ્મમાં સારાનો સ્કીન કોન્ફિડેન્સ દમદાર

નમો નમો હે શંકરા, આદિ દેવ શંકરા... ગીતે રમઝટ બોલાવી : યુ-ટયૂબ ઉપર ૨ કરોડ લોકોએ નિહાળ્યું

અમદાવાદ તા. ૮ : બેતાબના ૩૫ વર્ષ પછી અમેઝીંગ અમૃતાની ડોટર સુપર સારાની ડેબ્યૂ મૂવી એટલે કેદારનાથ. કેદારનાથમાં સુશાંતસિંહ રાજપૂતની સારા સાથેની કેમેસ્ટ્રી કે પછી ડિઝાસ્ટરની વિઝયુઅ્લ ઇફેકટસ કરતાંય વધુ દમદાર છે સારાનો સ્ક્રીન કોન્ફિડેન્સ. નો ડાઉટ સારાએ હજુ ઘણું જ વર્કઆઉટ કરવાનું છે પણ કમ સે કમ તે કેદારનાથથી એટલો સંકેત જરૂર આપે છે કે અ સ્ટાર ઇઝ બોર્ન!

ઙ્ગમૂવીનો ફર્સ્ટ હાફ રોમેન્ટિક છે. એઝ એકસપેકટેડ પહેલાં હાફમાં સુશાંત અને સારા વચ્ચે ઉત્તરાખંડની આંખોને ઠંડક આપતી ખીણો અને નદીઓના સૌંદર્યની વચ્ચે પ્રેમ પાંગરે છે. બટ પહેલો હાફ ડોમિનન્ટ કરે છે નટખટ મુક્કુના પાત્રમાં સારા અલી ખાન અને કેમરાના કસબી તુષાર કાન્તિ રોયની સિનેમેટોગ્રાફી. પહેલીવાર સુશાંત અહી સાવ ફલેટ લાગે છે. તમે તેમા કંઇ જ નવું નહી જુઓ. ઓન ધ ડિરેકશન ફ્રન્ટ અભિષેક કપૂરનો પણ ખાસ કોઇ કમાલ દેખાતો નથી. બાકીના બધાં કલાકારો પણ ઠીકઠાક છે. મૂવીના બન્ને લીડ કેરેકટર અલગ અલગ ધર્મના છે. બન્ને વચ્ચે પ્રેમ થાય છે અને પણ એ પછી જે કંઇપણ થાય એમાં કંઇ નવીનતા નથી. સ્ક્રીનપ્લે પણ સ્ટીરિયોટાઇપ છે. કેટલીક સિકવન્સ અગાઉ જોયેલી હોય તેવી જ છે. એટલે કોઇ નાવીન્ય વિના જ મૂવી આગળ ધપતી જાય છે. સારા જેટલીવાર સ્ક્રીન પર આવે એટલી મોમેન્ટ્સ કૂલ છે.

ઙ્ગ કેદારનાથમાં વર્ષ ૨૦૧૩માં હજારોના જીવ લઇ જનારા મેઘતાંડવના ઘટનાક્રમને અહી વણી લેવાયો છે. એટલે સ્વાભાવિક છે. બીજા પાર્ટમાં ડિરેકટર અભિષેક કપૂરને વિઝયુઅ્લ ઇફેકટસ પર વધુ આધારિત રહેવું પડ્યું છે. વિઝયુઅ્સ ઇફેકટસ જો કે ઠીકઠાક છે પણ સ્ક્રીન પ્લેમાં બીજા પાર્ટમાં ઓર લોચા છે. બીજા ભાગની બે-ત્રણ સિકવન્સ તો એકદમ વાસી આઇડિયા આધારિત છે. થોડી ક્રિએટિવીટી કે નવીનતા લાવવાનો પ્રયાસ કરાયો હોત તો મૂવી રસપ્રદ બની શકે તેમ હતું. એમાંય કલાઇમેટિક સિકવન્સ તો એકદમ પ્રિડિકટેબલ અને મેલોડ્રામેટિક છે.

જોકે ભગવાનને સમર્પિત 'નમો નમો' ગીત જબ્બર પ્રચલિત બન્યું છે. યુ-ટયૂબ ઉપર આજ સુધીમાં લગભગ ૨ કરોડ લોકો (૧૯ મિલીયન)એ સાંભળ્યું છે. જય હો જય હો શંકરા, આદિ દેવ શંકરા... આ ગીત ભારે ધૂમ મચાવી રહ્યું છે. 

મૂવીમાં ગીત કોઇ યાદ રહી જાય એવું નથી. જો કે એક-બે ગીત સિકવન્સને અનુરૂપ હોવાથી નડતર જેવા લાગતા નથી. કયાંય કોઇ ટ્વીસ્ટ કે થ્રીલ નાખવાનો પ્રયાસ થયો જ નથી. પ્રેમ ધર્મ કે કશું જોતો નથી એવો હજારવાર અપાઇ ચૂકેલો મેસેજ આપવા અને જાણે કે સારા અલી ખાનને લોંચ કરવા જ મૂવી બની હોય એવું લાગે છે. કેમ કે સુશાંતસિંહ કરતાંય સારા જ અહી સેન્ટર સ્ટેજ છે. ઓવરઓલ ઉત્તરાખંડના મસ્ત મજાના લોકેશન્સ, ખળખળ વહેતી નદી, પહાડીના લીલાછમ ઢોળાવ અને એવું બધું !

સારાની મા અમૃતાની પહેલી મૂવી બેતાબ પણ આવા જ મસ્ત મજાના પહલગામ, કાશ્મીરના લોકેશનમાં ફિલ્માવાઇ હતી જે સ્થળ પાછળથી બેતાબ વેલી તરીકે ઓળખાવા લાગ્યું !) સાથે સારા અલી ખાનની મજા કરાવે એવી નખરાળી અદાઓ માટે આ મૂવી એકાદવાર જોઇ શકાય. બહુ ઉતાવળ ન હોય તો રાહ જુઓ કોઇપણ ઓનલાઇન પ્લેટફોર્મ પર જલદી જ આવી જશે!(૨૧.૨૧)

(4:16 pm IST)
  • રોબર્ટ વાડ્રા વિરુદ્ધ બદલાની ભાવનાથી કામ કરી રહી છે મોદી સરકાર :વાડ્રા વિરુદ્ધ ઇડીની કાર્યવાહીથી કોંગ્રેસ ગિન્નાઈ :વિધાનસભાની ચૂંટણીમાં હાર ભાળી જવાથી હતાશ થઈને ઇડીના દરોડા પાડયા :કોંગ્રેસ પ્રવક્તા રણદીપ સુરજેવાલાએ કહ્યું કે બદલો લેવા જુના હથિયારોનો સહારો લઈને લોકોનું ધ્યાન ભટકવા પ્રયાસ કર્યો :આ પ્રકારની કાયરતા અને ધમકીભરી કાર્યવાહીથી કોંગ્રેસ અને તેના લોકો ઝુકવાના નથી access_time 1:01 am IST

  • તેલંગણાના ૨૨ લાખ મતદારોના નામ મતદાર યાદીમાંથી ગુમ :દેશના મુખ્ય ચૂંટણી કમિશનરે પ્રજાની માફી માગી :તેલંગણાના કુલ મતદારોના ૮ ટકા જેટલા મતો મતદાર યાદીમાંથી ગુમ થઈ ગયા છે access_time 10:13 pm IST

  • ઇતિહાસકાર રામચંદ્ર ગુહાએ બીફ ખાતા પોસ્ટ કર્યો ફોટો ;કહ્યું ભાજપ શાસિત ગોવામાં જશ્ન માનવી રહયો છું :રામચંદ્ર ગુહા ભાજપની નીતિઓના ટીક્કાકાર છે :આગાઉ અમદાવાદ યુનિવર્સીટીમાં ભણાવવા ઇન્કાર કર્યો હતો : ગુહાએ ટ્વીટ કર્યું કે જુના ગોવામાં જાદુઈ સવાર ગુજાર્યા બાદ પણજીમાં લંચ કર્યું :ગોવા ભાજપ શાસિત છે એટલા માટે જશ્નમાં મેં બીફ ખાવા નિર્ણંય કર્યો :ગુહાએ ગોવાની કેટલીક તસવીરો પણ પોસ્ટ કરી હતી access_time 12:36 am IST