Gujarati News

મુંબઇ, તા.૮: Netflix ની લોકપ્રિય ક્રાઈમ સીરીઝ 'Delhi Crime'ની બીજી સીઝનની જાહેરાત થઈ ત્‍યારથી જ ચાહકો આ સીરીઝના ટ્રેલરની આતુરતાથી રાહ જોઈ રહ્યા હતા અને આજે આ રાહ પૂરી થઈ ગઈ છે. હા, ક્રાઈમ અને સસ્‍પેન્‍સથી ભરેલી આ વેબ સિરીઝનું ટ્રેલર રિલીઝ થઈ ગયું છે, જેમાં ડીસીપી વર્તિકા ચતુર્વેદીના રોલમાં શેફાલી શાહ ફરી એકવાર મોતનું રહસ્‍ય ઉકેલતી જોવા મળી રહી છે.

૨ મિનિટ ૧૪ સેકન્‍ડના આ ટ્રેલરની શરૂઆત સસ્‍પેન્‍સથી થાય છે, જેમાં દિલ્‍હીમાં ‘કચ્‍છા બન્‍યા' ગેંગ એક પછી એક હત્‍યા કરી રહી છે. પરંતુ આ ગેંગના લોકો વળદ્ધોને નિશાન બનાવી રહ્યા છે અને તેઓ ડીસીપી વર્તિકા ચતુર્વેદીનો સામનો કરી રહ્યા છે. આ ટ્રેલરમાં ક્રાઈમ અને સસ્‍પેન્‍સની સાથે કેટલીક એક્‍શન પણ બતાવવામાં આવી છે, જે પોલીસ કર્મચારીઓના જીવનનો એક ભાગ છે. હવે ડીસીપી વર્તિકા આ ગેંગના લોકોને કેવી રીતે જેલના સળિયા પાછળ લઈ જાય છે અને લોકોના જીવ બચાવે છે?

‘દિલ્‍હી ક્રાઈમ'ની પ્રથમ સિઝન વર્ષ ૨૦૧૯માં નેટફિ્‌લક્‍સ પર સ્‍ટ્રીમ કરવામાં આવી હતી, જેને દર્શકોએ સારો પ્રતિસાદ આપ્‍યો હતો. સાત એપિસોડની આ શ્રેણીનો પહેલો ભાગ દિલ્‍હીના પ્રખ્‍યાત નિર્ભયા કેસ પર આધારિત હતો. પરંતુ બીજા ભાગમાં શેફાલી શાહ ગત વખત કરતા વધુ ગુનાખોરી રોકવાનો પ્રયાસ કરતી જોવા મળશે. જેમાં તેલંગ તેની મદદ કરતો જોવા મળશે.

જણાવી દઈએ કે ‘દિલ્‍હી ક્રાઈમ'ની બીજી સીઝનની સ્‍ટોરી મયંક તિવારી, શુભ્રા સ્‍વરૂપ અને ઈંશિયા મિર્ઝાએ સંયુક્‍ત રીતે લખી છે. તે જ સમયે, તેના સંવાદો વિરાટ બસોયા અને સંયુક્‍તા ચાવલા શેખે લખ્‍યા છે. ‘દિલ્‍હી ક્રાઈમ સીઝન ૨' નેટફિ્‌લક્‍સ પર આ વર્ષે ૨૬ ઓગસ્‍ટે સ્‍ટ્રીમ કરવામાં આવશે. શેફાલી શાહની સાથે, રસિકા દુગલ, રાજેશ તેલંગ, આદિલ હુસૈન, અનુરાગ અરોરા, સિદ્ધાર્થ ભારદ્વાજ અને ગોપાલ દત્ત આ શ્રેણીમાં તેમની ભૂમિકાઓ ફરીથી ભજવે છે.