Gujarati News

મુંબઈ: અભિનેતા અર્જુન કપુર અને અભિનેત્રી પરિણીતી ચોપડા સ્ટારર ફિલ્મ નમસ્તે ઈંગ્લેન્ડ એક રોમેન્ટિક ડ્રામા ફિલ્મ છે જેમાં કેટલાક લવ સોંગ્સ છે. અત્યારે આ ફિલ્મને લઈને એવા અહેવાલ સામે આવ્યા છે કે ફિલ્મના એક ગીતના શુટિંગ માટે આશરે ૫.૫ કરોડ રુપિયાનો ખર્ચ કરવામાં આવ્યો છે. ફિલ્મના ડાયરેક્ટર અને કો-પ્રોડયુસર વિપુલ શાહે જણાવ્યુ કે, આ તેમનુ અત્યાર સુધીનું શુટ કરવામાં આવેલ સૌથી મોંઘુ ગીત છે. આપને જણાવી દઈએ કે, નમસ્તે ઈંગ્લેન્ડનું ગીત તૂ મેરી મેં તેરાના શુટિંગમાં ૧૧ દિવસ લાગ્યા અને આ પાછળ કુલ ૫.૫ કરોડનો ખર્ચ કરવામાં આવ્યો છે. આ ગીત ફિલ્મનો એક મહત્વનો ભાગ મનાઈ રહ્યુ છે. જેમાં અર્જુન અને પરિણીતીને પંજાબથી લંડન સુધી યાત્રા કરતા દર્શાવવામાં આવ્યા છે. મેકર્સના જણાવ્યા મુજબ, તેમણે પહેલા રીસર્ચ કર્યુ અને આ યાત્રા માટે એક ઈન્ટરેસ્ટિંગ રુટ નક્કી કર્યો. આ ગીતમાં આશરે ૧૮થી ૨૦ લોકેશન્સ દર્શાવવામાં આવ્યા છે.