Gujarati News

Gujarati News

News of Friday, 8th June 2018

તામિલ એકટર વિશાલ ક્રિષ્નાએ અટકાવી કાલાની રિલીઝ પહેલાં પાઈરસી

તામિલ ફિલ્મ એકટર અને પ્રોડ્યુસર વિશાલ ક્રિષ્નાએ બુધવારે રજનીકાન્તની ફિલ્મ 'કાલા'ની પાઈરસી થતી અટકાવી હતી. 'કાલા' ગઈકાલે ભારતમાં રિલીઝ થઈ હતી, પરંતુએ ફિલ્મ સિંગાપોરમાં બુધવારે રિલીઝ થઈ હતી. રજનીકાન્તાનો એક ચાહક આ ફિલ્મને ફેસબુક લાઈવ ફીચર દ્વારા લોકોને ઓનલાઈન ફ્રીમાં દેખાડી રહ્યો હતો. વિશાલ તામિલનાડુ ફિલ્મ પ્રોડ્યુસર્સ કાઉન્સિલનો હેડ પણ છે. વિશાલને તેનાં સૂત્રો પાસેથી માહિતી મળી હતી એક વ્યકિત ફિલ્મને ઓનલાઈન દેખાડી રહી છે. આ વિશે વધુ જણાવતાં વિશાલે કહ્યું હતું કે ફિલ્મ પરથી ઘણી મોટી આપતિ ટળી છે. 'કાલા' અમારા બધા માટે ખૂબ જ મહત્વની ફિલ્મ છે. રજનીસર બે વર્ષ બાદ ફરી સ્ક્રીન પર જોવા મળી રહ્યા છે. સૂત્રો દ્વારા મને માહિતી મળી હતી કે સિંગાપોરની એક મલ્ટિપ્લેકસમાં તેમનો એક ચાહક ફેસબુક પર ફિલ્મ લાઈવ સ્ટ્રીમ કરી રહ્યો છે. તેણે ફેસબુક પર ફિલ્મને ૪૦ મિનિટ સુધી લાઈવ સ્ટ્રીમ કરી હતી અને ત્યાર બાદ તેને પોલીસ કસ્ટડીમાં લેવામાં આવ્યો હતો. કોઈપણ જાતની રાહ જોવા વગર અમે આ પરિસ્થિતિ પર જલદી કાબુ મેળવવામાં સફળ ઘણા હતા. આ થોડું મુશ્કેલ હતુ, કારણ કે ભારતની બહાર કોઈ ક્રાઈમ થઈ રહ્યો હતો.

(3:39 pm IST)
  • શનિવારે પેટ્રોલમાં લીટરે 40 પૈસા અને ડીઝલમાં 40થી 45 પૈસાનો મોટો ઘટાડો થવાની શકયતા:સતત 11માં દિવસે પેટ્રોલ ડીઝલમાં ભાવ ઘટશે:અત્યાર સુધીમાં સૌથી મોટો ઘટાડો થશે :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,33 રૂપિયા અને ડીઝલનો ભાવ લિટરે 73,42 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 11:25 pm IST

  • કર્ણાટકનો દરિયાકાંઠો અને કેરળમાં ભારે વરસાદની આગાહી છે. આગામી ૩૦ કલાકમાં ગોવા અને કર્ણાટકમાં ભારે વરસાદની આગાહીના પગલે નજીકના શહેરોમાં એલર્ટ જારી કરવામાં આવ્યા છે access_time 4:03 pm IST

  • કોંગ્રેસના ૨૩ કોર્પોરેટરો સસ્પેન્ડ : પાટણના નગરપાલીકાના મેન્ડેટના ઉલ્લંધનના મામલે પ્રદેશ કોંગ્રેસ દ્વારા બાગી ૨૩ કોર્પોરેટરને સસ્પેન્ડ કરાયા access_time 4:05 pm IST