Gujarati News

Gujarati News

News of Thursday, 8th April 2021

મશહુર ડાન્‍સ કોરિયોગ્રાફર અને ટીવ રિયાલીટી શો ડાન્‍સ દિવાને-3ના જજ ધર્મેશને કોરોનાઃ માધુરી દિક્ષીતનો રિપોર્ટ નેગેટીવ

નવી દિલ્હી: કોરોના વાયરસે એકવાર ફરીથી  દેશભરમાં કોહરામ મચાવ્યો છે. રોજેરોજ સંક્રમિતોની સંખ્યા રેકોર્ડબ્રેક વધી રહી છે. આજે તો દેશભરમાંથી 1.26 લાખ કરતા વધુ કોરોનાના દર્દીઓ નોંધાયા છે. હવે એવા સમાચાર છે કે મશહૂર ડાન્સ કોર્યોગ્રાફર અને ટીવી રિયાલિટી શો ડાન્સ દીવાને 3ના જજ ધર્મેશ યેલાન્ડે પણ કોરોના પોઝિટિવ આવ્યો છે. હવે તે આગામી કેટલાક દિવસ સુધી શોનો ભાગ રહેશે નહીં.

18 ક્રુ મેમ્બર્સ હતા કોરોના પોઝિટિવ

અત્રે જણાવવાનું કે થોડા સમય પહેલા જ આ શોના 18 જેટલા ક્રુ મેમ્બર્સ પણ કોરોના પોઝિટિવ આવ્યા હતા. ત્યારબાદ શો સાથે જોડાયેલા અન્ય લોકોના પણ ટેસ્ટ કરાવવામાં આવ્યા. જેમાંથી ધર્મેશ અને શોના પ્રોડ્યુસર અરવિંદ રાવનો કોરોના રિપોર્ટ પોઝિટિવ આવ્યો છે. બીજીબાજુ માધુરી દીક્ષિત અને હોસ્ટ રાઘવ જુયાલનો રિપોર્ટ નેગેટિવ આવ્યો છે.

ધર્મેશની જગ્યા લેશે આ સિતારા

હાલ ધર્મેતરફથી કોરોના પોઝિટિવ હોવા અંગે કોઈ જાણકારી સામે આવી નથી. મીડિયા રિપોર્ટસ મુજબ ધર્મેશ તે સમયે ગોવામાં હતો જ્યારે તેને કોરોનાના હળવા લક્ષણો ત્યાં મહેસૂસ થયા હતા. હવે કહેવાય છે કે થોડા સમય સુધી ધર્મેશની જગ્યા કોર્યોગ્રાફર પુનિત પાઠક અને શક્તિ મોહન જજ તરીકેની ખુરશી સંભાળશે.

આ હસ્તીઓ પણ થઈ છે કોરોના પોઝિટિવ

અત્રે જણાવવાનું કે ધર્મેશ ઉપરાંત ગત બુધવારે જાણીતી અભિનેત્રી નગ્મા પણ કોરોના પોઝિટિવ આવી છે. જ્યારે કેટરીના કૈફ, વિક્કી કૌશલ, આલિયા ભટ્ટ, રણબીર કપૂર,અક્ષયકુમાર, આમિર ખાન, આર માધવન, ભૂમિ પેડણેકર, અને તારા સુતરિયા જેવા અનેક સિતારાઓ પણ કોરોનાની ઝપેટમાં આવેલા છે.

(5:19 pm IST)
  • ભુપેન્દ્રસિંહ ચુડાસમાને કોરોના પોઝીટીવ : ગુજરાત સરકારના વધુ ઍક પ્રધાનને કોરોના વળગ્યો : રાજયના શિક્ષણમંત્રી શ્રી ભુપેન્દ્રસિંહ ચુડાસમા કોરોના સંક્રમિત બનતા તેમને યુ. ઍન. મહેતા હોસ્પિટલમાં દાખલ કરવામાં આવ્યા છે access_time 11:58 am IST

  • દેશમાં કોરોનાના કેસમાં ભયંકર ઉછાળો : અત્યાર સુધીના રેકોર્ડબ્રેક નવા કેસ નોંધાયા : એક્ટિવ કેસનો આંકડો 9 .74 લાખને પાર પહોંચ્યો :વધુ 802 દર્દીઓના મોત: રાત્રે 11 વાગ્યા સુધીમાં કોરોનાના નવા 1,31,787 કેસ નોંધાયા :કુલ કેસની સંખ્યા 1,30,57,863 :એક્ટિવ કેસ 9,74,174 થયા વધુ 61,797 દર્દીઓ સ્વસ્થ થતા કુલ 1,19,10, 709 થયા :વધુ 802 લોકોના મોત સાથે કુલ મૃત્યુઆંક 1,67,694 થયા: દેશમાં સૌથી વધુ મહારાષ્ટ્રમાં નવા 56,286 નવા કેસ નોંધાયા access_time 12:58 am IST

  • રાજકોટમાં વધુ બે આરટીપીસીઆર મશીન માટે મંજૂરી આપતા મુખ્યમંત્રી : રાજકોટની ભટ્ટ લેબોરેટરીને પણ વધુ મશીન અંગે મંજૂરી : ટૂંક સમયમાં વેઈટીંગ લીસ્ટ નીકળી જશે : કલેકટર રેમ્યા મોહનની અકિલા સાથે વાતચીત access_time 12:01 pm IST