Gujarati News

Gujarati News

News of Thursday, 8th April 2021

સાન્યાએ વાહ વાહી મેળવીઃ વધુ બે ફિલ્મો હાથ પર

દંગલ ગર્લ સાન્યા મલ્હોત્રાએ એક પછી એક ફિલ્મોમાં પોતે દરેક પ્રકારના રોલ નિભાવી શકે છે તેવું સાબિત કરી દીધું છે. તાજેતરમાં આવેલી તેની ફિલ્મ પગલૈટમાં તેના અભિનયના સતત વખાણ થઇ રહ્યા છે. સાન્યાની કારકિર્દીમાં આ ફિલ્મને કારણે નવો વળાંક આવ્યો છે. આ પ્રકારની ફિલ્મોને એકલા હાથે સંભાળવી એ અનેક પડકારોનો સામનો કરવા જેવું હોય છે. સાન્યાએ ફરી એક વખત પોતાને સાબિત કરી છે. ફિલ્મની વ્યાપક સફળતાથી અભિનેત્રી અત્યંત ખુશ છે. તેણે નિર્માતાઓનો પણ આભાર માન્યો હતો. ચાહકો બોલીવૂડ ઇન્ડસ્ટ્રી તેને સતત પગલૈટના રોલ માટે અભિનંદન આપી રહ્યા છે. તે કહે છે આ ફિલ્મને મળેલી સફળતા મને વધુ ને વધુ આવી ભુમિકાઓ કરવા માટે પ્રોત્સાહીત કરશે. પગલૈટમાં સાન્યા અગાઉ કદી નહિ જોવા મળેલા કોમિક અવતારમાં છે. સાન્યાએ પોતાના અશ્વિસનિય પ્રદર્શનથી દર્શકો અને વિવેચકોને સ્તબ્ધ કર્યા છે. હવે પછી તે વિક્રાંત મૈસી સાથે લવ હોસ્ટેલ અને અભિમન્યુ દાસાની સાથે મિનાક્ષી સુંદરેશ્વરમાં જોવા મળશે.

(10:11 am IST)
  • દિલ્હી : ભાજપના વરિષ્ઠ નેતા શ્રી લાલકૃષ્ણ અડવાણીએ આજે AIIMS ખાતે ​​કોવાક્સિન રસીનો બીજો ડોઝ લીધો : તેમણે માર્ચ 9 એ તેમનો પ્રથમ ડોઝ લીધો હતો. access_time 1:26 pm IST

  • પશ્ચિમ બંગાળમાં રાજકીય હિંસાનો સિલસિલો યથાવત : બંગાળ ભાજપ અધ્યક્ષ દિલીપ ઘોષની કાર ઉપર હુમલો : જે ગાડીમાં બેઠા હતા તેનો કાચ તૂટ્યો : તૃણમૂલ કોંગ્રેસના કાર્યકરો ઉપર આરોપ access_time 8:45 pm IST

  • કોરોના રોગચાળો હવે પર્યાવરણ માટે પણ મોટો ખતરો બની ગયો છે. કોરોનાથી બચવાના ઉપાયમાં સિંગલ યુઝ માસ્ક અને પીપીઇ કીટ સૌથી મહત્વપૂર્ણ છે. દરરોજ કરોડોની સંખ્યામાં તેનો ઉપયોગ રોજ કરવામાં આવી રહ્યો છે, પરંતુ તેમને સુરક્ષિત રીતે નષ્ટ કરવા માટે કોઈ ફ્રેમવર્ક તૈયાર કરવામાં આવ્યું નથી. ખરાબ કે તૂટેલા માસ્ક વિશ્વભરમાં જમીન, સમુદ્ર અને નદીઓ માટે જોખમ બની ગયા છે. તબીબી કચરા તરીકે તેનો નાશ કરવાને બદલે, તેને ક્યાંય પણ ફેંકી દેવામાં આવી રહ્યા છે. access_time 10:04 pm IST