Gujarati News

Gujarati News

News of Monday, 8th March 2021

લાંબા સમય સુધી મૌન રહેલી રિયા ચક્રવર્તીએ આઠ મહિના પછી ઇન્‍સ્‍ટાગ્રામ ઉપર પોસ્‍ટ શેર કરીઃ હેપ્‍પી વુમેન્‍સ ડે કહ્યુ

નવી દિલ્હીઃ લાંબા સમયથી મૌન રહેલી રિયા ચક્રવર્તીએ આઠ મહિના બાદ ઇન્સ્ટાગ્રામ પોસ્ટ શેર કરી છે. રિયા ચક્રવર્તીની પોસ્ટ સામે આવતા વાયરલ થઈ ગઈ છે. બોલીવુડમાં રિયાની આ પોસ્ટની ચર્ચા થઈ રહી છે. રિયાની આ પોસ્ટ સુશાંત સિંહ રાજપૂત માટે નહીં, પરંતુ ખાસ તેના માતા માટે છે.

લોકોને પસંદ આવી રહી છે પોસ્ટ

પોસ્ટ સામે આવ્યાના થોડા સમયની અંદર 1 લાખથી વધુ લોકોએ લાઇક કરી છે. રિયાના ફેન્સ આ પોસ્ટ પર કમેન્ટ કરી રહી છે, જેમાં તે પોતાના માતાનો હાથ પકડીને જોવા મળી રહી છે. આ ફોટોને શેર કરવાની સાથે રિયા ચક્રલર્તીએ બધી મહિલાઓને મહિલા દિવસની શુભકામનાઓ આપી છે. રિયાએ કહ્યું, 'હેપ્પી વુમેન્સ ડે બધાને... માં અને હું... હંમેશા માટે સાથ... મારી તાકાત, મારો વિશ્વાસ અને મારૂ ધૈર્ય... મારી માં.'

રિયાના ફેન્સ કરી રહ્યાં છે સમર્થન

રિયા ચક્રવર્તીના ફેન્સ તેનું સમર્થન કરી રહ્યાં છે. રિયાની આ પોસ્ટને જોઈને લાગી રહ્યું છે કે, તે મજબૂત છે અને આ સમયમાં તેના માતા સાથે છે. રિયા ચક્રવર્તીએ આ પહેલા 27 ઓગસ્ટે પોસ્ટ કરી હતી. ત્યારબાદ સુશાંત કેસમાં તે જેલ ગઈ હતી. જેલમાંથી બહાર આવ્યા બાદ રિયા ચક્રવર્તીએ કોઈપણ પોસ્ટ કરી નથી. આશરે 8 મહિના બાદ આ રિયાની પ્રથમ પોસ્ટ છે.

આ રીતે ચર્ચામાં આવી હતી રિયા

રિયા ચક્રવર્તી સુશાંત સિંહ રાજપૂતના નિધન બાદ ચર્ચામાં આવી હતી. સુશાંતના પરિવારે તેના પર ગંભીર આરોપ લગાવ્યા હતા અને આ કેસ હજુ કોર્ટમાં ચાલી રહ્યો છે. ત્રણ દિવસ પહેલા જ સીબીઆઈએ આ કેસમાં ચાર્જશીટ દાખલ કરી છે. મહત્વનું છે કે રિયા ઘણા મહિના સુધી મીડિયાથી બચતી રહી, પરંતુ હવે તે જીમ જતા સ્પોટ થાય છે. રિયા, રાજીવ રામની પાર્ટીમાં પણ જોવા મળી હતી. જેના ફોટો પણ વાયરલ થયા હતા. રિયાના વર્કફ્રંટની વાત કરીએ તો કહેવામાં આવી રહ્યું છે કે તે અમિતાભ બચ્ચન અને ઇમરાન હાશમીની સાથે કમબેક કરવાની છે.

(5:27 pm IST)
  • સૌરાષ્ટ્રના પોરબંદરના ભાજપના રાજ્યસભાના સભ્ય શ્રી રામભાઈ મોકરિયાએ આજે રાજ્યસભામાં શપથ લીધા તે સમયની એક ઝલક access_time 6:47 pm IST

  • ૧૯૦૯માં જન્મેલ સુમતિ મોરારજી ૧૯પ૭માં શીપ ઓનર્સ એસોસીએશનના પહેલા પ્રમુખ બન્યા હતા. ૧૯૭૦માં તે વર્લ્ડ શીપીંગ ફેડેરશનના ઉપપ્રમુખ તરીકે પણ ચૂંટાયા હતા. access_time 3:01 pm IST

  • સર્વત્ર સર્વોત્તમ સુરક્ષા : NSG એ આજે આંતરરાષ્ટ્રીય મહિલા દિવસ પર પ્રથમ વખત તેની એલીટ મહિલા કમાન્ડો ટીમનો ફોટો બહાર પાડ્યો. access_time 7:16 pm IST