Gujarati News

Gujarati News

News of Saturday, 8th February 2020

બાળપણના દોસ્‍તોની પ્રેમ કહાની લગ્ન તરફ ? વરૂણ ધવન મે-૨૦૨૦માં લગ્ન કરશે ?

નવી દિલ્હીઃ સામાન્ય જનતાની જેમ બોલીવુડ સ્ટાર્સ પણ લગ્નની સીઝન એન્જોય કરવામાં લાગ્યા છે. બોલીવુડમાં અરમાન જૈનના લગ્નની સાથે વેડિંગ સીઝનની શરૂઆત થઈ ચુકી છે અને હવે લાગે છે કે વધુ એક બોલીવુડ કપલ જલદી પોતાના સંબંધને આગળ લઈ જવાના છે. જી હાં અમે વાત કરી રહ્યાં છીએ વરૂણ ધવન અને નતાશા દલાલની.

આ બંન્ને બાળપણના દોસ્તોની પ્રેમ કહાની બીજો પડાવ પાર કરવા તૈયાર છે. પ્રાપ્ત વિગતો પરથી તો આમ લાગી રહ્યું છે. વરૂણ અને નતાશાને લાંબા સમયથી સાથે હેંગઆઉટ કરતા જોઈ શકાય છે અને પાછલા ઘણા સમયથી બંન્નેના લગ્નના સમાચાર પણ આવી રહ્યાં છે. તેવામાં હવે વરૂણ-નતાશાના લગ્નની તારીખ પણ સામે આવી ગઈ છે.

આ દિવસે છે લગ્ન

ખબર છે કે આ જોડી 22 મે 2020ના થાઈલેન્ડના JW Marriott Khao Lak Resort & Spaમાં લગ્ન કરવાના છે. સ્પોટબોયે સૂત્રના હવાલાથી માહિતી આપી છે કે 2020ની ગરમીમાં વરૂણ-નતાશા લગ્ન કરવાના છે. એટલું જ નહીં ખબર તો તે પણ છે કે વરૂણના મેન્ટોર કરણ જોહર તેના લગ્નમાં મોટી ભૂમિકા ભજવશે. વરૂણ ધવન અને નતાશા દલાલ, કરણ જોહરના જ્વેલરી બ્રાન્ડ ત્યાની જ્વેલેરીના ઘરેણાને પોતાના સંગીત પર પહેરશે.

પરંતુ તે પણ માનવામાં આવી રહ્યું છે કે થાઈલેન્ડમાં ફેલાયેલા કોરોના વાયરસને કારણે વરૂણ-નતાશાના લગ્નના સ્થળમાં ફેરફાર થઈ શકે છે.

મહત્વનું છે કે વરૂણ ધવન અને નતાશા દલાલ બાળપણના મિત્રો છે. બંન્ને વચ્ચે ઘણઆ લાંબા સમયથી સંબંધ છે, જેની બંન્નેએ પુષ્ટિ કરી નથી. પરંતુ બાદમાં કરણ જોહરના શો કોફી વિથ કરણ પર વરૂણે નતાશાની સાથે સંબંધનો સ્વીકાર કર્યો હતો. હવે બંન્નેના લગ્ન ક્યાં થાય છે તે જોવાનું રહ્યું.

(5:03 pm IST)
  • ભાજપે દરેક બેઠક માટે ૧૮૦૦ કાર્યકરોની ફોજ મેદાનમાં ઉતારી :ભાજપે દિલ્હીની સત્તા 'આપ' પાસેથી આંચકી લેવા આબાદ રણનીતિ ઘડી છેઃ ભાજપે એક પોલીંગ બુથ પર ૧૦ - ૧૫ કાર્યકરો તૈનાત કર્યા છે, એટલું જ નહિ એક બેઠક પર ૧૮૦૦ કાર્યકરોને તૈનાત કર્યા છેઃ ભાજપે લોકોને વધુને વધુ પ્રમાણમાં મતદાન થાય તેવી અપીલ પણ કરી છેઃ ભાજપે પાયાના કાર્યકર સુધી પહોંચ લંબાવી હતી access_time 11:31 am IST

  • બપોરના 12 વાગ્યા સુધીમાં 16 ટકા મતદાન : રાહુલ, પ્રિયંકા, મનીષ સિસોદીયા, એલ.કે.અડવાણીએ મતદાન કર્યુ.: શાહીન બાગ, જામિયામાં પણ મતદાન માટે લાઈન લાગી : ભાજપના વરિષ્ઠ નેતા એલ.કે.અડવાણીએ મતદાન કર્યું : ઔરંગઝેબ રોડ મતદાન મથક ખાતે મતદાન કર્યું : તેઓએ દીકરી પ્રતિભા અડવાણી સાથે મતદાન કર્યું. access_time 12:31 pm IST

  • કોલકત્તા : પોલીસની મંજૂરી વગર CAA ના સમર્થનમાં રેલી કાઢવા બદલ ભાજપના મહાસચિવ કૈલાસ વિજય વર્ગીયની ધરપકડ : રેલી શરૂ થતા જ વાનમાં બેસાડી દૂર લઇ જવાયા access_time 6:45 pm IST