Gujarati News

Gujarati News

News of Wednesday, 8th January 2020

'જય મમ્મી દી'ની ટીમ કાલે આવશે પતંગોત્સવમાં

આ વર્ષની મોમ કોમ ફિલ્મ 'જય મમ્મી દી' તેના ધમાકેદાર ટ્રેલર અને ગીતોથી લોકોના દિલમાં જગ્યા બનાવી રહી હોવાનું નિર્માતા કહે છે.  ફિલ્મની મુખ્ય જોડી સની સિંહ અને સોનાલી સૈગલ પ્રમોશનમાં વ્યસ્ત  છે. તેના જ ભાગ રૂપે આ ટીમ આવતીકાલે ગુરૂવારે અમદાવાદમાં પતંગ ઉત્સવમાં ફિલ્મનું પ્રમોશન કરશે. ફિલ્મને રિલીઝ અમુક દિવસો જ બાકી છે ત્યારે સની અને સોનાલી પોતાનો જાદુ ફેલાવામાં મશગૂલ છે. તો બીજી તરફ ફિલ્મના દરિયાગંજ, લેમ્બોર્ગિની, મમ્મીનું પસંદ જેવા ગીતોએ ચાર્ટબસ્ટરમાં પોતાની જગ્યા બનાવી લીધી છે. ફિલ્મની આ જોડી આ પહેલા પ્યાર કા પંચનામા-૨માં જોવા મળી હતી. જે બાદ હવે બીજી વખત પોતાની સુપર કેમેસ્ટ્રીનો જાદુ ચલાવવા સિલ્વર સ્ક્રીન પર આવી રહી છે. ફિલ્મ 'જય મમ્મી દી' નવજોત ગુલાટી દ્વારા લિખિત અને નિર્દેશિત છે. તે ઉપરાંત ટી- સીરીઝના ભૂષણ કુમાર અને કૃષ્ણા કુમાર તથા લવ ફિલ્મ્સના લવ રંજન અને અંકુર ગર્ગ દ્વારા નિર્મિત છે. ૧૭મી જાન્યુઆરીએ આ ફિલ્મ રિલીઝ થશે.

 

(10:05 am IST)
  • ઈરાને આજે અમેરીકન મથકો ઉપર હુમલો કરતા ભારતનો રૂપિયો ડોલર સામે ૨૦ પૈસા તૂટી ગયો છે અને આજે સવારે ૧ ડોલર = રૂ.૭૨.૦૨ પૈસા રહ્યો હતો access_time 1:01 pm IST

  • ભારતીય અને બેઇજિંગ દૂતાવાસએ ભારતના બધા નાગરિકો (વ્યક્તિગત / જૂથ)ને, ભારત અને ચાઇના વચ્ચેના રાજદ્વારી સંબંધોની 70 મી વર્ષગાંઠની ઉજવણી માટે લોગો ડિઝાઇન કરવા માટે જાહેર આમંત્રણ પાઠવ્યું છે. લોકોએ પોતાના ડીઝાઇન કરેલા લોગોની એન્ટ્રી press.beijing@mea.gov.in ઈમેઈલ પર તા. 20-01-2020 સુધીમાં પોતાના નામ, ઉમર, સંપૂર્ણ કોન્ટેક્ટ વિગત અને પોતે બનાવેલ લોગો ડીઝાઇનની ટૂંક વિગત સાથે મોકલવાની રહેશે તેમ એક યાદીમાં જણાવાયું છે. access_time 7:29 pm IST

  • અમદાવાદના અનુપમ ખોખરા માગઁ પર ખાનગી ડમ્પરએ બાઈકચાલકને અડફેટે લેતા ઘટનાસ્થળે મોત : અન્ય ઈજાગ્રસ્તને સારવાર માટે ૧૦૮ મારફત એલજી હોસ્પિટલમાં ખસેડાયો: પોલિસ કાફલો ઘટના પર પહોંચ્યો access_time 1:27 am IST