Gujarati News

ડેવિડ ધવનના પુત્ર વરૂણ ધવન અને મહેશ ભટ્ટની દિકરી આલિયા ભટ્ટે કારકિર્દીની શરૂઆત ફિલ્મ 'સ્ટુડન્ટ ઓફ ધ યર' થકી કરી હતી. આજે આ બંને બોલીવૂડમાં ટોચ પર છે. બંનેએ એનક સફળ ફિલ્મો આપી છે. પહેલી ફિલ્મ સાથે કર્યા પછી 'બદ્રીનાથ કી દુલ્હનીયા' અને 'હમ્પટી શર્મા કી દુલ્હનીયા' ફિલ્મોમાં પણ વરૂણ-આલિયા સાથે હતાં. આ ફિલ્મો પણ સુપરહિટ સાબિત થઇ હતી. હવે આ બંનેની જોડી ચોથી ફિલ્મ 'કલંક'માં સાથે કામ કરી રહી છે. વરૂણના પિતા ડેવિડ ધવનની ઇચ્છા વરૂણ-આલિયાને લઇને વધુ એક ફિલ્મ બનાવવાની છે. આ માટેની તૈયારી પણ શરૂ થઇ ગઇ છે. આ ફિલ્મ કુલી નંબર-૧ની સિકવલ હોવાની ચર્ચા છે. આલિયા વરૂણ સાથે પાંચમી વખત અને ડેવિડ ધવન સાથે પહેલી વખત કામ કરશે. આલિયા પોતાના પિતા મહેશ ભટ્ટની સડક-૨ પણ કરવાની છે.