Gujarati News

Gujarati News

News of Monday, 7th October 2019

ગુજરાતી ફિલ્મ હેલ્લારોની ઇન્ટરનેશનલ ફિલ્મ ફેસ્ટિવલ ઓફ ઇન્ડિયામાં પસંદગી

ગોવામાં પણજીમાં યોજાતા IFFIનું આ 50મું વર્ષ છે

અમદાવાદ તા. ૭ :.. ભારતની શ્રેષ્ઠ ફિલ્મનો નેશનલ અવોર્ડ મેળવનારી પ્રથમ ગુજરાતી ફિલ્મ 'હેલ્લારો' હવે ઇન્ટરનેશનલ ફિલ્મ ફેસ્ટિવલ ઓફ ઇન્ડીયામાં પ્રદર્શિત થશે.

ભારત સરકાર દ્વારા દર વર્ષે યોજાતા ઇન્ટરનેશનલ ફિલ્મ ફેસ્ટિવલ ઓફ ઇન્ડીયા (આઇએફએફઆઇ)નું આ પ૦મું વર્ષ છે. એના 'ઇન્ડિયન પેનોરમા' સેકશનમાં ઓપનિંગ ફિલ્મ તરીકે 'હેલ્લારો' ની પસંદગી કરવામાં આવી છે. 'ઇન્ડિયન પેનોરમાં સેકશન હેઠળ વર્ષ દરમ્યાન બનેલી શ્રેષ્ઠ ભારતીય ફીચર અને નોન-ફીચર ફિલ્મ રજૂ કરવામાં આવે છે. ફિલ્મના ડીરેકટર અભિષેક શાહે કહયું કે 'ઓપનિંગ ફિલ્મ હોવાથી તમામ ઉપસ્થિત મહાનુભાવો તથા મિનીસ્ટરોએ ફિલ્મ જોશે. જુદા-જુદા ફિલ્મ-સર્જકો ત્યાં હાજર હશે. એક ગુજરાતી ફિલ્મ માટે આ એક અત્યંત મહત્વની અને મોટી વાત છે. આ પહેલી ગુજરાતી ફિલ્મ છે જે ભારતના સૌથી મોટા ફેસ્ટિવલમાં દર્શાવવામાં આવશે.' ર૦ થી ર૮ નવેમ્બર દરમ્યાન ગોવાના પણજીમાં ફિલ્મ ફેસ્ટિવલ યોજાશે.

(10:03 am IST)
  • મહારાષ્ટ્ર ચૂંટણી પ્રચારમાં ગરમાવો : કોંગ્રેસ અને NCPનો સંયુક્ત ચૂંટણી ઢંઢેરો જાહેર : અમે સત્તા ઉપર આવશું તો મહારાષ્ટ્રના ઉદ્યોગોમાં સ્થાનિક નાગરિકો માટે 80 ટકા અનામત : ખેડૂતોને દેવામાફી ,બેરોજગારોને 5 હજાર રૂપિયા બેકારી ભથ્થું : તમામ માટે વિનામૂલ્યે વીમો : ગ્રેજ્યુએટ સુધીનો અભ્યાસક્રમ મફત access_time 8:25 pm IST

  • પાકિસ્તાની સેનાએ નિયંત્રણ રેખા પહેલા જ રોકી આઝાદી માર્ચ : પીઓકેની રાજધાની મુઝફરાબાદથી શરૂ થયેલી આઝાદી માર્ચ નિયંત્રણ રેખાની નજીક પહોંચી : પાકિસ્તાની સેનાએ છ કિલોમીટર પહેલા રોકી દીધી : માર્ચમાં સામેલ લોકો સવારે ફરી આગળ વધવા મક્કમ :પ્રદર્શનકારીઓ અને સરકાર વચ્ચે વાતચીત નિષ્ફળ : જમ્મુ કાશ્મીર લિબરેશન ફ્રન્ટે બોલાવેલી માર્ચ ત્રણ દિવસ પહેલા મુઝફરાબાદથી શરૂ થઇ હતી access_time 1:03 am IST

  • બગદાદના ગવર્નરે આપ્યું રાજીનામુ : ઇરાકમાં વિરોધ પ્રદર્શન યથાવત : ઇરાકમાં સરકાર વિરુદ્ધ વ્યાપક વિરોધ પ્રદર્શન વચ્ચે બગદાદના ગવર્નર ફલાહ અલ જજેરીએ રાજીનામુ આપ્યું : ઇરાકમાં હિંસક પ્રદર્શનમાં અત્યાર સુધીમાં 113 લોકોના મોત : 4000થી વધુ લોકો ઘાયલ access_time 1:04 am IST