Gujarati News

Gujarati News

News of Monday, 7th October 2019

કાર્તિકના હાથમાં ત્રણ મોટી ફિલ્મો

અભિનેતા કાર્તિક આર્યનને હાલમાં દરેક મોટા નિર્માતા-નિર્દેશક પોતાની ફિલ્મમાં લેવા ઇચ્છે છે. હવે કાર્તિકે નવી ફિલ્મ દોસ્તાના-૨ માટે તૈયારીઓ શરૂ કરી દીધી છે. તેની બે ફિલ્મો પૈકી પતિ પત્નિ ઓૈર વોનું શુટીંગ ચાલુ છે અને ભૂલભૂલૈયા-૨નું કામ પણ શરૂ થવાનું છે. એ દરમિયાન દોસ્તાના-૨ની તૈયારી શરૂ કરી દીધી છે. આ ફિલ્મમાં તેની સાથે જ્હાન્વી કપૂરને લેવામાં આવી છે. દોસ્તાનાની આ સિકવલ પોતાને મળતાં કાર્તિક ખુશ છે. તેણે આ સ્ક્રિપ્ટ સાથેની એક તસ્વીર ઇંસ્ટાગ્રામ પર પોસ્ટ કરી હતી અને લખ્યું હતું કે દોસ્તાના-૨ની તૈયારી શરૂ. દોસ્તાનામાં જોન અબ્રાહમ, અભિષેક બચ્ચન અને પ્રિયંકા ચોપડાએ મુખ્ય ભૂમિકા નિભાવી હતી. જોન-અભિષેકની જોડી દર્શકોને ખુબ ગમી હતી. કાર્તિક સાથે દોસ્તાના-૨માં લક્ષ્ય નામના નવા અભિનેતાને પસંદ કરવામાં આવ્યો છે. ત્રણ મોટી ફિલ્મો હાથમાં હોઇ કાર્તિક સતત ખુશ છે. આલિયા ભટ્ટ સાથેની એક ફિલ્મમાં પણ તેને લેવામાં આવે તેવી શકયતા છે.

 

(10:02 am IST)
  • ડોનાલ્ડ ટ્રમ્પની તુર્કીને ખુલી ધમકી : કહ્યું સીરિયામાં હદ બહાર ગયા તો બરબાદ કરી નાખીશ : અમેરિકી રાષ્ટ્રપતિ ડોનાલ્ડ ટ્રમ્પએ સીરિયાથી લાગેલી તુર્કીની સીમાથી અમેરિકાના સૈનિકો હટાવાના નિર્ણંયને યોગ્ય ઠેરવતા કહ્યું કે ક્ષેત્રને સ્થિતિથી ખુદે નિપટવું જોઈએ : ટ્રમ્પએ એમ પણ કહ્યું કે જો સીરિયામાં તુર્કી હદ બહાર જાય તો તેની અર્થવ્યવસ્થાને બરબાદ કરી નાખશે access_time 1:11 am IST

  • તેલંગણા સરકારનું અભૂતપૂર્વ કડક પગલું : હડતાલ ઉપર ઉતરેલા રોડ ટ્રાન્સપોર્ટના 48 હજાર કર્મચારીઓ સસ્પેન્ડ : 12 હજાર કરોડની ખોટ અને 5 હજાર કરોડનું દેવું ધરાવતા ટ્રાન્સપોર્ટ કોર્પોરેશનના કર્મચારીઓની માંગણીઓ સ્વીકારી શકાય નહીં : મુખ્યમંત્રી ચંદ્રશેખર રાવની ઘોષણાં access_time 12:51 pm IST

  • ડ્રગ્સ કેસમાં પૂર્વ ધારાસભ્ય ભાવસિંહ રાઠોડના પુત્ર દોષિતઃ ૧૦ વર્ષની સજા : પાટણઃ જિલ્લાના સમી હારીજના પૂર્વ ધારાસભ્ય ભાવસિંહ રાઠોડના પુત્ર કિશોરસિંહ રાઠોડની કરોડો રૂપિયાના ડ્રગ્સ કેસમાં એટીએસએ ધરપકડ કરી હતીઃ ત્યારબાદ આ પ્રકરણમાં કોર્ટે કિશોરસિંહ રાઠોડને દોષિત જાહેર કર્યા છે અને ૧૦ વર્ષની સજા ફટકારી છે access_time 4:22 pm IST