Gujarati News

Gujarati News

News of Monday, 7th October 2019

સાનિયાનું સપનુ સાકાર

ફિલ્મ મિશન મંગલની સફળતા પછી વિદ્યા બાલન હવે શકુંતલા દેવીની બાયોપિકમાં કામ કરી રહી છે. વિદ્યાએ આ ફિલ્મનો પહેલો લૂક પણ જાહેર કરી દીધો છે. હવે તેની સાથે ફિલ્મમાં દંગલ ગર્લ સાનિયા મલ્હોત્રા પણ સામેલ થઇ છે. સાન્યા મલ્હોત્રા ફિલ્મમાં અનુપમા બેનર્જીના રોલમાં જોવા મળવાની છે. અનુપમા શકુંતલાની દિકરી છે. એટલે કે ફિલ્મમાં સાન્યા મલ્હોત્રા વિદ્યા બાલનની દિકરીનો રોલ નિભાવશે. સાન્યા મલ્હોત્રાનો ફર્સ્ટ લૂક પણ નિર્માતાઓએ જાહેર કરી દીધો છે. સાન્યા પોસ્ટરમાં એક ઝાડના થડ પર બેઠેલી જોવા મળી રહી છે અને ખુબ જ ખુશ દેખાઇ રહી છે. સાન્યાને આ ફિલ્મની કહાની ખુબ જ ગમી છે. વળી તે વિદ્યા બાલનની ખુબ મોટી ચાહક છે. હવે તેની સાથે જ કામ કરવાની તક મળતાં તેની ખુશીનો પાર નથી. સાન્યા મલ્હોત્રાએ સોશિયલ મિડીયા પર પણ આ વાત કહી હતી. તે કહે છે શકુંતલા દેવીની દિકરીની ભુમિકાને મોટા પરદા પર ઉતારવા હું ઉત્સુક છું. વિદ્યા સાથે કામ કરવા મળ્યું એ પણ ખુબ મોટી વાત છે. શકુંતલા દેવી માનવ કોમ્પ્યુટર ગણાતા હતાં. ૧૯૮૨માં તેમનું નામ ગિનેસ બૂકમાં નોંધાયું હતું. આ ફિલ્મ આવતા વર્ષે રિલીઝ થશે. 

(10:01 am IST)
  • ડોનાલ્ડ ટ્રમ્પની તુર્કીને ખુલી ધમકી : કહ્યું સીરિયામાં હદ બહાર ગયા તો બરબાદ કરી નાખીશ : અમેરિકી રાષ્ટ્રપતિ ડોનાલ્ડ ટ્રમ્પએ સીરિયાથી લાગેલી તુર્કીની સીમાથી અમેરિકાના સૈનિકો હટાવાના નિર્ણંયને યોગ્ય ઠેરવતા કહ્યું કે ક્ષેત્રને સ્થિતિથી ખુદે નિપટવું જોઈએ : ટ્રમ્પએ એમ પણ કહ્યું કે જો સીરિયામાં તુર્કી હદ બહાર જાય તો તેની અર્થવ્યવસ્થાને બરબાદ કરી નાખશે access_time 1:11 am IST

  • પાકિસ્તાની સેનાએ નિયંત્રણ રેખા પહેલા જ રોકી આઝાદી માર્ચ : પીઓકેની રાજધાની મુઝફરાબાદથી શરૂ થયેલી આઝાદી માર્ચ નિયંત્રણ રેખાની નજીક પહોંચી : પાકિસ્તાની સેનાએ છ કિલોમીટર પહેલા રોકી દીધી : માર્ચમાં સામેલ લોકો સવારે ફરી આગળ વધવા મક્કમ :પ્રદર્શનકારીઓ અને સરકાર વચ્ચે વાતચીત નિષ્ફળ : જમ્મુ કાશ્મીર લિબરેશન ફ્રન્ટે બોલાવેલી માર્ચ ત્રણ દિવસ પહેલા મુઝફરાબાદથી શરૂ થઇ હતી access_time 1:03 am IST

  • ડ્રગ્સ કેસમાં પૂર્વ ધારાસભ્ય ભાવસિંહ રાઠોડના પુત્ર દોષિતઃ ૧૦ વર્ષની સજા : પાટણઃ જિલ્લાના સમી હારીજના પૂર્વ ધારાસભ્ય ભાવસિંહ રાઠોડના પુત્ર કિશોરસિંહ રાઠોડની કરોડો રૂપિયાના ડ્રગ્સ કેસમાં એટીએસએ ધરપકડ કરી હતીઃ ત્યારબાદ આ પ્રકરણમાં કોર્ટે કિશોરસિંહ રાઠોડને દોષિત જાહેર કર્યા છે અને ૧૦ વર્ષની સજા ફટકારી છે access_time 4:22 pm IST