Gujarati News

Gujarati News

News of Wednesday, 7th August 2019

કહાની લઇ જવાશે આગળ, વિવિયન છોડી દેશે સિરિયલ

ટીવી ઇન્ડસ્ટ્રીના ખુબ જાણીતા અભિનેતા પૈકીનો એક વિવિયન ડિસેના હાલમાં જે શોમાં કામ કરી રહ્યો છે એ શો છોડી દેશે તેવી વાતો થઇ રહી છે. વિવિયન 'શકિત-અસ્તિત્વ કે અહેસાસ કી'માં હરમનનો મુખ્ય રોલ નિભાવી રહ્યો છે. આ શોથી વિવિયન અલગ થઇ રહ્યો છે. સિરીયલની કહાનીમાં મોટો લિપ આવશે અને સિરીયલની કહાનીને કેટલાક વર્ષ સુધી આગળ લઇ જવામાં આવશે. એ પછી વિવિયન શોમાં જોવા મળશે નહિ. લિપ પછી વિવિયનને તેના મોટા યુવાન થઇ ગયેલા બાળકોના પિતાનો રોલ નિભાવવાનો હતો. પરંતુ તે આ રોલ નિભાવવા ઇચ્છતો ન હોઇ તેણે પોતે શોથી અલગ થઇ જશે તેવી વાત નિર્માતાઓ સાથે કરી લીધી છે. આગામી ટ્રેકમાં વિવિયન પિતાના પાત્રમાં જોવા મળશે, એ પછી લિપ આવશે અને વિવિયનનું પાત્ર હટી જશે. વિવિયનને આ મહિનાના અંત સુધીમાં પોતાના ટ્રેકનું શુટીંગ પુરૂ થઇ જવાની આશા છે. ૨૦૦૮માં કસમ સે સિરીયલથી વિવિયને કારકિર્દી શરૂ કરી હતી.

(9:49 am IST)