Gujarati News

Gujarati News

News of Tuesday, 7th July 2020

આવી રહી છે મનોવૈજ્ઞાનિક થ્રિલર સિરીઝ માફિયા

વેબ સિરીઝના શોખીનો માટે આવતા અઠવાડીએ વધુ એક મનોવૈજ્ઞાનિક થ્રિલર સિરીઝ આવી રહી છે. 'માફિયા' નામની આ સિરીઝ દસમી જુલાઇએ ઝી ફાઇવ પર સ્ટ્રીમ થશે. સિરીઝનું ટ્રેલર રિલીઝ થઇ ચુકયુ છે. જેમાં બે મિત્રોના રિયુનિયનની વાત જોવા મળી રહી છે. ટ્રેલરના પ્રારંભમાં જ બે મિત્રો એક ઘનઘોર જંગલમાં રિયુનિયન શોટ્સ સાથે જોવા મળે છે. પરંતુ હકિકતમાં આ બંને સારા મિત્રો છે કે કેમ? ટ્રેલરમાં એવું પણ દેખાડાયું છે કે આ મિત્રોનું ગ્રુપ માફિયા નામના સોશિયલ ડિડકશન ખેલની શરૂઆત કરે છે. નિર્માતાનો દાવો છે કે આ કહાની દર્શકોને છેક સુધી બાંધી રાખશે. રહસ્યમય મનોવૈજ્ઞાનિક થ્રિલર સિરીઝમાં કહાનીમાં વળાંક ત્યારે આવે છે જ્યારે રમત દરમિયાન બેહોશ બનવાનો અભિનય કરી રહેલા એક મિત્રની સાચ્ચે જ હત્યા થઇ જાય છે. જીવનના આ ખેલમાં કોણ બચશે અને કોણ એક બીજાની સામે પડશે? તે જોવા મળશે. નિમિત દાસ, બીરસા દાસગુપ્તા, મધુરીમા રોય, ઇસા સાહા મુખ્ય રોલમાં છે.

(10:07 am IST)