Gujarati News

Gujarati News

News of Saturday, 7th July 2018

મિસ વર્લ્ડ માનુષી છિલ્લર સાથે એડ ફિલ્મ કરશે રણવીર સિંહ

મુંબઈ: વિશ્વ સુંદરી માનુષી છિલ્લરે જ્યારથી સુંદરતાનો આ તાજ જીત્યો છે, ત્યારથી લોકોએ ચર્ચા શરુ કરી દીધી હતી કે તે ટૂંકમાં જ ફિલ્મોમાં નજરે પડશે. 
થોડા સમય પહેલા અહેવાલ સામે આવ્યા હતા કે માનુષીએ કરણ જોહરની ફિલ્મ સાઈન કરી છે, જોકે બાદમાં માનુષીએ આ અહેવાલને રદીયો આપ્યો હતો. ત્યારે હાલ માનુષીની જોડી બોલીવુડ કલાકાર રણવીરસિંહ સાથે જામી ચુકી છે. એટલુ જ નહીં બન્નેએ સાથે શુટિંગ પણ પુરુ કરી લીધુ છે. જોકે આ કોઈ ફિલ્મ માટે નહીં પણ એક વિદેશી ફેશન બ્રાંડની એડ માટે શુટિંગ કરાયુ છે. જેમાં માનુષી અને રણવીરસિંહની જોડી સાથે જોવા મળનાર છે. 
માનુષીએ આ અંગે જણાવ્યુ કે, મને રણવીરસિંહ જેવા સ્ટાર સાથે એડ ફિલ્મમાં કામ કરવાની તક મળી. તેમની સાથે કામ કરીને ખૂબ જ મજા આવી. રણવીરની એનર્જી અને તેમનો ઔરા સામેવાળાને ખૂબ જ પોઝિટિવ બનાવી દે છે અને સ્ફુર્તિથી ભરી દે છે. આપને જણાવી દઈએ કે, માનુષી સાથે રણવીરની પ્રથમ મુલાકાત ફિલ્મફેર એવોર્ડ સમારોહમાં રેડ કાર્પેટ પર થઈ હતી. જ્યારે માનુષી મિસ વર્લ્ડ બન્યા બાદ પ્રથમ વખત કોઈ મોટા એવોર્ડ સમારોહમાં હાજર રહી હતી. જે દરમિયાન રણવીરસિંહ અને માનુષીએ ડાંસ કરી ઠુમકા પણ લગાવ્યા હતા.

(4:57 pm IST)
  • મુંબઇમાં ગઇસાંજ થી આખીરાત ઝરમરથી ભારે ઝાપટાઓ વરસ્યા : અનેક વિસ્તારોમાં પાણી ભરાયાઃ નાગપુરમાં ગઇકાલે જોરદાર વરસી ગયા બાદ સાંજથી વરસાદ નથીઃ આજે શાળા-કોલેજો બંધ access_time 1:27 pm IST

  • નર્મદાના સાગબારા પંથકમાં ભારે વરસાદને કારણે ભોર આંબલી ગામ પાણીમાં ડૂબ્યું : નદીમાં પુર ને કારણે ગામમાં પાણી ફરી વળ્યા : ખેત મજૂરો સહિત અન્ય ગામમાં ગયેલ લોકો ફસાયા : નદીમાં સુરક્ષા દીવાલ ન હોવાને કારણે ઘરોમાં ઘુસી ગયા પાણી access_time 7:19 pm IST

  • દક્ષિણ ગુજરાતમાં દરિયાઇ પટ્ટામાં ભારેથી અતિભારે વરસાદની આગાહી કરવામાં આવી છે. સાથે સાથે દરિયાકાંઠે વસતા માછીવારોને દરિયો ન ખેડવા માટે પણ સૂચન કરાયું છે. ભારે આગાહી વચ્ચે વલસાડ, નવસારી, ડાંગ, તાપી, દમણમાં ભારે વરસાદની આગાહી કરવામાં આવી છે. સાથે સાથે વરસાદી માહોલ વચ્ચે વલસાડ અને વાપી સહિતાના અનેક વિસ્તારોમાં વીજળીના કડાકા સાથે તોફાની વરસાદ શરૂ થયો હતો. બીજી તરફ અમેરલીના દામનગર શહેર અને ગ્રામ્ય વિસ્તારમાં સતત એક કલાક ધોધમાર વરસાદ ખાબક્યો હતો. વલસાડમાં 48 કલાકમાં ભારે વરસાદની આગાહી હવામાન ખાતા દ્વારા કરવામાં આવી છે. મળતી માહિતી પ્રમાણે શનિવારે સાંજે ઘપમપુરમાં ત્રણ ઇંચ વરસાદ હતો. તો સુરતમાં ત્રણ કલાકમાં બે ઇંચ વરસાદ ખાબક્યો હોવાની માહિતી મળી હતી. આ સાથે આસપાસના વિસ્તારોમાં 1થી 2 ઇંચ વરસાદ પડ્યો હોવાની માહિતી મળી રહી છે. access_time 1:20 am IST