Gujarati News

સ્ટાર પ્લસ પર નવો ટીવી શો 'કૃષ્ણા ચલી લંડન' શરૂ થઇ રહ્યો છે. લેખક અને નિર્દેશક સૌરભ તિવારીએ કહ્યું હતું કે તમને આ શો જોઇને એમ લાગશે કે આ તો ફિલ્મ બદ્રીનાથ કી દુલ્હનિયા જેવું છે. પરંતુ એવુ નથી. આ શોનું મુખ્ય પાત્ર ભલોભોળો રાધે નામનો છોકરો ખુબ રોમાન્ટીક છે. તે કોઇપણ રીતે ખુબસૂરત પત્નિ મેળવવા ઇચ્છે છે. જો કે તે નવમા ધોરણ સુધી જ ભણ્યો છે. આ સિરીયલ બનાવવા માટે અમારે કોઇ ફિલ્મ જોવાની જરૂર પડી નથી. આપણા જ કોઇને કોઇ સગામાં એવા પાત્રો મળી રહે છે જે પોતાની પત્નિને બાઇક પર ફેરવવા અને પાણીપુરી ખવડાવવા ઇચ્છતા હોય છે. સિરીયલમાં રાધેનો રોલ ગોૈરવ સરીને નિભાવ્યો છે. તેણે આ શો માટે ખુબ મહેનત કરી છે. ગોૈરવ અમૃતસર પાસેના નાનકડા ગામમાંથી આવ્યો છે. તે શોમાં કાનપુરના યુવાનનો રોલ નિભાવી રહ્યો છે. આ માટે તેને ખુબ પુસ્તકો વાંચવા પડ્યા છે.