Gujarati News

મુંબઈ, તા.૬ : અભિષેક બચ્ચનને હંમેશા પોતાના પિતા અમિતાભ બચ્ચન સાથે તુલનાનો સામનો કરવો પડ્યો છે. તેણે વર્ષ ૨૦૦૦માં રેફ્યુજી ફિલ્મથી બોલિવૂડમાં ડેબ્યૂ કર્યું હતું. તેનું કહેવું છે કે જો તમને દર્શકો સ્વીકારશે ત્યારે જ તમારું કરિયર લાંબા ચાલી શકે છે.

નેપોટિઝણ પર અભિષેકનું કહેવું છે કે, તેના પિતાએ ક્યારેય તેના માટે કોઈને વાત કરી નથી. તે જણાવે છે કે, હકીકત તો આ છે કે, તેમણે કોઈને ફોન નથી કર્યો. તેમણે ક્યારેય મારા માટે ફિલ્મ નથી બનાવી. ઉલ્ટું મેં જ તેમના માટે 'પા' ફિલ્મ પ્રોડ્યુસ કરી હતી.

અભિષેક આગળ જણાવે છે કે, લોકોને સમજવું જોઈએ કે આ બિઝનેસ છે. પહેલી ફિલ્મ આવ્યા બાદ જો લોકોને તમારામાં કંઈ દેખાતું નથી અથવા ફિલ્મ ચાલતી નથી તો તમને આગળ કામ નહીં મળે. આ જીવનનું કડવું સત્ય છે.

અભિષેક કહે છે કે, મને ખબર છે કે જ્યારે મારી ફિલ્મ નથી ચાલતી, મને ખબર હોય છે કે મને કઈ ફિલ્મોમાંથી રિપ્લેસ કરી દેવાયો છે, કઈ ફિલ્મો નથી બનાવાઈ, જે શરૂ થઈ ગઈ અને બજેટ ન હોવાના કારણે બંધ કરી દેવામાં આવી કારણ કે તેના પર મારું જોખમ લેવા જેવું નહોતું. તો તમારી સામે આ છે મિસ્ટર અમિતાભ બચ્ચનનો દીકરો હોવાનું સત્ય.

ડ્રીમ રોલ વિશે વાત કરતા તેણે જણાવ્યું કે, એક્ટર બનતા પહેલા શાહરૂખ ખાને એકવાર મને કહ્યું હતું કે, ફેવરેટ રોલ તે જ હોવો જોઈએ જે પ્રેજન્ટ ટાઈમ પર તમે કરી રહ્યા છો. કારણ કે જો આવું નથી તો તમે તેને શા માટે સિલેક્ટ કર્યો. અભિષેક અનુરાગ બાસુની ફિલ્મ 'લૂડો'માં જોવા મળશે. જેમાં તે ક્રિમિનલનું પાત્ર ભજવી રહ્યો છે.