Gujarati News

મુંબઈ:  બોલિવૂડના મિસ્ટર પરફેક્ટિસ્ટ આમિર ખાન સુપરહિટ તમિલ ફિલ્મ વિક્રમ વેધના રિમેકમાં વિલનની ભૂમિકા ભજવતા જોવા મળી શકે છે. આમિર ખાન હાલમાં લાલ સિંહ ચડ્ડા ફિલ્મમાં કામ કરી રહ્યો છે.એક એવી ચર્ચા છે કે આમિર ખાન બ્લોકબસ્ટર તમિલ ફિલ્મ 'વિક્રમ વેધ'ના હિન્દી રિમેકમાં જોવા મળશે. કહેવામાં આવી રહ્યું છે કે ફિલ્મમાં તેની સાથે અભિનેતા સૈફ અલી ખાન મુખ્ય ભૂમિકામાં છે.એવું કહેવામાં આવી રહ્યું છે કે આમિર વિલનની ભૂમિકામાં જોવા મળશે, જ્યારે સૈફ લીડ એક્ટરની ભૂમિકા નિભાવવામાં આવશે. આ પહેલીવાર નથી જ્યારે આમિર વિલનની ભૂમિકામાં જોવા મળશે. આ અગાઉ તે સુપરહિટ ફિલ્મો ફના અને ધૂમ -3 માં વિલનની ભૂમિકા પણ ભજવી ચૂક્યો છે.