Gujarati News

મુંબઈ: ટોચના અભિનેતા રાજકુમાર રાવ અને અભિનેત્રી નર્ગિસ ફખ્રીને મુખ્ય ભૂમિકામાં ચમકાવતી ફિલ્મ ફાઇવ વેડિંગનું પહેલું ટ્રેલર મંગળવારે રિલિઝ થયુ હતું.

નમ્રતા સિંઘ ગુજરાલ નિર્દેશિત આ ફિલ્મમાં મૂળ  ભારતની પરંતુ અમેરિકામાં જન્મેલી અને ઊછરેલી એક અમેરિકી મહિલા પત્રકારની વાત છે જે આમ તો ભારતને ધિક્કારે છે.એક લગ્ન પ્રસંગે એ ભારતની મુલાકાતે આવે છે ત્યારે અહીંની ગરીબી છતાં લોકોના પ્રેમથી પ્રભાવિત થાય છે અને એને ભારતનાં વિવિધ સ્થળો દેખાડનારા પોલીસના પ્રેમમાં પડી જાય છે એેવી કથા આ ફિલ્મમાં વણી લેવામાં આવી છે. આમ આ ફિલ્મ અલગ પ્રકારની પ્રેમકથા છે અને એમાં રજૂ થતા લગ્ન બીબાંઢાળ ફિલ્મી લગ્નોથી અલગ દેખાડાયાં છે એવો ડાયરેક્ટરનો દાવો છે. નર્ગિસ છેલ્લે રિતેશ દેશમુખની ફિલ્મ બેંજો (૨૦૧૬)માં દેખાઇ હતી. ત્યારબાદ એ અમેરિકા ચાલી ગઇ હતી.આ ફિલ્મ ચાલુ વર્ષના ઑગષ્ટની ૨૪મીએ રજૂ કરવાની એના સર્જકોની યોજના છે.