Gujarati News

મુંબઇ : રાની મુખરજીને મુખ્ય ભૂમિકામાં રજૂ કરતી યશ રાજની ફિલ્મ હિચકી હવે શાંઘાઇ ઇન્ટરનેશનલ ફિલ્મ્સ ફેસ્ટિવલમાં રજૂ થવાની હોવાના સમાચારે સમગ્ર હિચકી યુનિટમાં ઉત્તેજના ફેલાવી દીધી હતી. આ ફિલ્મમાં રાનીએ મનોવ્યાધિનો ભોગ બનેલી એક ટીચરનો રોલ કર્યો હતો જે દ્રઢ મનોબળ કેળવીને આ વ્યાધિથી  મુક્તિ મળવે છે.આ ફિલ્મને ધાર્યા કરતાં વધુ સારો પ્રતિભાવ બોક્સ ઑફિસ પર મળ્યો હતો. એક પુત્રીની માતા બન્યા બાદ રાનીની આ પહેલી ફિલ્મ હતી. એ સફળ થતાં સ્વાભાવિક રીતેજ યશ રાજ કેમ્પમાં ખુશાલી છવાઇ હતી. હિચકીના ડાયરેક્ટર સિદ્ધાર્થ મલ્હોત્રાએે કહ્યુ ંહતું કે અમારા માટે આ એક ગૌરવદાયક સમાચાર છે કે અમારી ફિલ્મ શાંઘાઇ ઇન્ટરનેશનલ ફિલ્મ્સ ફેસ્ટિવલમાં ધ  બેલ્ટ એન્ડ રોડ સેક્શનમાં રજૂ થવાની છે. ફિલ્મ્સ ફેસ્ટિવલના પહેલા દિવસે એટલે કે ૧૬ જૂને આ ફિલ્મ રજૂ થશે. ત્યારબાદ ડાયરેક્ટર સિદ્ધાર્થ મલ્હોત્રા ઓડિયન્સ સાથે સવાલ-જવાબ કરશે.મલ્હોત્રાએ કહ્યું કે આ ફેસ્ટિવલ દ્વારા અમારી ફિલ્મ વિશ્વના ઓડિયન્સ રજૂ થવાની છે એટલે અમારા માટે આ એક બહુ મોટી તક છે. ફિલ્મ સફળ થઇ એનેેા યશ પરદા પર રાની અને બાળકોએ વહેંચી લીધો હતો.