Gujarati News

ટીવી અભિનેત્રી રૂબીના દિલાઇક પોતાના બોયફ્રેન્ડ અભિનવ શુકલા સાથે ૨૧ જુનના રોજ લગ્ન કરવાની છે. બંને ચાર વર્ષથી એક બીજાને ડેટ કરી રહ્યા છે. ગયા એપ્રિલ મહિનામાં જ આ બંનેએ સગાઇ કરી હતી. હવે લગ્નમાં તેના પરિવારજનો અને નજીકના મિત્રો જ સામેલ થશે. બંનેના લગ્ન બાદ મુંબઇમાં જોરદાર રિસેપ્શન રાખવામાં આવશે. આ ઇવેન્ટના આમંત્રણ પહેલાથી જ પરિવારના લોકો, ટીવી ઇન્ડસ્ટ્રીના લોકો અને મિડીયા સુધી પહોંચવા માંડ્યા છે. આ રિસેપ્શન ૨૮ જુનના કિશોર કુમારના બંગલો જુહૂ તારા રોડ ખાતે યોજાશે. રૂબીના હાલમાં કલર્સના શો 'શકિત-અસ્તિત્વ કે અહેસાસ કી'માં સોૈમ્યાનું પાત્ર ભજવી રહી છે. જે કિન્નર વહૂ છે. તેની સાથે વિવિયન ડેના મુખ્ય રોલમાં છે.