Gujarati News

મુંબઇ: આગામી ફિલ્મ થ્રી સ્ટોરીઝનું ટ્રેલર આવતી કાલે સાતમી ફેબુ્રઆરીએ રિલિઝ કરવાની એના સર્જકોની યોજના હોવાની માહિતી મળી હતી. ત્રણ અલગ અલગ લવ સ્ટોરીઝના સંકલન દ્વારા બનેલી આ ફિલ્મમાં પ્રતિભાવાન ગુજરાતી અભિનેતા શર્મન જોશી, પુલકિત સમ્રાટ,  રિચા ચડ્ડા અને રેણુકા શહાણે મુખ્ય રોલ કરી રહ્યાં છે.  આ ફિલ્મના સર્જકો કહે છે કે દરેક વ્યક્તિ એક યા બીજા મહેારા હેઠળ એક કથા ધરાવતી હોય છે. આ ફિલ્મમાં અમે ત્રણ અલગ અલગ લવ સ્ટોરી રજૂ કરી રહ્યા છીએ- પ્રણયભગ્ન વ્યક્તિ, પ્રેમમાં નિષ્ફળ જતાં બદલો લેતો પ્રેમી અને પ્રેમ પર પ્રતિબંધ ફરમાવાયો હોય એવી ત્રણ કથા અહીં ત્રણ અંકના નાટકની જેમ સંકલિત કરવામાં આવી છે. માનવ સ્વભાવની વિવિધ ખૂબી-ખામીને આ ફિલ્મની કથામાં વણી લેવામાં આવી છે એવું પણ જણાવવામાં આવ્યું હતું.