Gujarati News

મુંબઈ તા. ૬ : અભિનેત્રી કરીના કપૂર-ખાન પુત્ર તૈમૂરનાં જન્મ બાદ પોતાનાં શરીરમાં જમા થયેલા અતિરિકત મેદને દૂર કરવામાં સફળતા મેળવ્યાં બાદ ફરી રૂપેરી પડદા પર એની અભિનયક્ષમતા પ્રદર્શિત કરવા આતુર બની છે. કરીનાનું કહેવું છે કે ફિલ્મ ઉઘોગમાં પોતાની સફર ફળદાયી રહી છે અને પોતે બોલીવૂડમાં હજી બીજા બે દાયકા સુધી કામ કરવા માગે છે.

એક મુલાકાતમાં કરીનાએ કહ્યું કે, બોલીવૂડમાં મારી ફિલ્મી સફર માનભરી અને ફળદાયી રહી છે. મને ઈન્ડસ્ટ્રીમાં ૧૮ વર્ષ થઈ ગયા છે અને હજી મારી સફર ચાલુ જ છે. હું હજી બીજા બે દાયકા કામ કરવા માગું છું.

કરીનાએ વર્ષ ૨૦૦૦માં રેફયૂજી ફિલ્મ સાથે બોલીવૂડમાં એન્ટ્રી કરી હતી. એ અત્યાર સુધીમાં જબ વી મેટ, કભી ખુશી કભી ગમ, તલાશઃ ધ હન્ટ બીગિન્સ, યુવા, ઓમકારા, ઉડતા પંજાબ જેવી ફિલ્મોમાં પોતાની અભિનયક્ષમતા બતાવી ચૂકી છે. બોલીવૂડની સૌથી સુંદર અભિનેત્રીઓમાં એની ગણના કરવામાં આવે છે.

૨૦૧૬ના ડિસેમ્બરમાં અભિનેતા સૈફ અલી ખાન સાથે લગ્ન કર્યાં બાદ કરીનાએ તૈમુરને જન્મ આપીને માતૃત્વ ધારણ કર્યું છે. કરીનાની નવી ફિલ્મ આવી રહી છે વીરે દી વેડિંગ. આ રોમેન્ટિક કોમેડીમાં એની સાથે ભૂમિકા ભજવી છે સોનમ કપૂર, સ્વરા ભાસ્કર અને શિખા તલસાનીયાએ. કરીના મુંબઈમાં ચાલી રહેલા લેકમે ફેશન વીક ફેશન શોમાં રવિવારે ડિઝાઈનર અનામિકા ખન્ના માટે શોસ્ટોપર તરીકે રેમ્પ પર ઉપસ્થિત થઈ હતી.(૨૧.૧૨)