Gujarati News

Gujarati News

News of Tuesday, 6th February 2018

ક્રિતી સેનન સાથે છરીથી લડાઇ કરશે વાણી કપૂર

અભિનેત્રી વાણી કપૂરની બોલીવૂડમાં ડિમાન્ડ વધી રહી છે. રિતીક રોશન અને ટાઇગર શ્રોફની ડાન્સ-એકશન ફિલ્મમાં મુખ્ય રોલ માટે વાણીને પસંદ કરવામાં આવી છે. આ ઉપરાંત વિશાલ ભારદ્વાજે પણ વાણીને એક ફિલ્મ માટે પસંદ કરી છે. વર્ષ ૨૦૧૮ વાણી માટે ખુબ સારું નિવડવાનું છે. વિશાલની નવી ફિલ્મનું નામ 'છુરિયાં' છે. આ ફિલ્મમાં બે બહેનોની કહાની છે જે નાની-નાની વાતે સતત લડતી-ઝઘડતી રહે છે અને એક બીજીને મારી નાંખવા માટે છરી હાથમાં ઉઠાવી લે છે. નાની બહેનનો રોલ ક્રિતી સેનન નિભાવશે. મોટી બહેનના રોલ માટે વાણી કપૂરને પસંદ કરવામાં આવી છે. વિશાલે કહ્યું હતું કે વાણીની ફિલ્મોનું કામ તેને ખુબ ગમ્યું છે. તેની પાસેથી ખુબ સારુ કામ લઇ શકાય તેમ છે. વિશાલ પ્રેરણા અરોડા સાથે મળી ચાર ફિલ્મો બનાવી રહ્યા છે. જેમાં એકમાં વાણી ફાઇનલ છે. 

(9:45 am IST)
  • પાક. દ્વારા વારંવાર કરવામાં આવતા યુદ્ધવિરામના ભંગ અંગે પ્રહાર કરતા શિવસેના સાંસદ સંજય રાઉતે કહ્યું, 'શું આપણી મિસાઈલો માત્ર ૨૬મી જાન્યુઆરીના પ્રદર્શન માટે જ છે?' access_time 11:37 am IST

  • જેરોમ પોવેલે સોમવારે અમેરિકાની ફેડરલ રિઝર્વના અધ્યક્ષ પદે શપથ ગ્રહણ કર્યા હતા. તેમણે જેનેટ યેલેનના સ્થાને ફેડરલ રિઝર્વના અધ્યક્ષ તરીકેનો પદભાર સંભાળ્યો છે. જેરોમ પોવેલે શપથ લીધા બાદ કહ્યુ હતું કે 'આજે અમેરિકામાં બેરોજગારી દર ઓછો છે. અર્થવ્યવસ્ખથાનું વિસ્તરણ થઈ રહ્યું છે અને મોંઘવારી ઘટી છે.' રાષ્ટ્રપ્રમુખ ડોનાલ્ડ ટ્રમ્પે નવેમ્બર-2017માં પોવેલને ફેડરલ રિઝર્વના અધ્યક્ષ તરીકે નામાંકિત કર્યા હતા. તેઓ આગામી ચાર વર્ષ સુધી આ પદ સંભાળશે. access_time 2:48 pm IST

  • અંકલેશ્વરના માંડવા ગામમાં બે જૂથ વચ્ચે થઈ અથડામણ : જમીનના જુના ડખ્ખામાં થઈ જૂથ અથડામણ : બે બાઈક સળગાવાયા : ઘરોમાં થઈ તોડફોડ access_time 11:57 pm IST