Gujarati News

મુંબઈ: દર વર્ષની જેમ બોલીવુડ અભિનેત્રી કાજોલ પણ આ વર્ષે દુર્ગાપૂજાના તહેવારને ખૂબ ધૂમ મચાવી રહી છે. તે તેની માતા તનુજા, બહેનો તનિષા મુખર્જી અને પિતરાઇ ભાઇઓ શારબાની અને સમ્રાટ મુખર્જી સાથે મુંબઇના પંડાલમાં પહોંચી હતી. આ ખાસ પ્રસંગે કાજોલ ખૂબ જ સુંદર દેખાઈ રહી હતી. તેણે લાલ ડ્રેસ પહેર્યો હતો.કાજોલની બહેન અને અભિનેત્રી તનિષા મુખર્જી પણ દુર્ગાપૂજા પ્રસંગે પરંપરાગત અવતારમાં જોવા મળી હતી. તનિષા મુખર્જી લાઇટ પિંક કલરની સાડીમાં પંડાલમાં પહોંચી હતી. આ સમય દરમિયાન તેનો લુક પણ ખૂબ જ જોવાલાયક લાગ્યો હતો. કાજોલની સાથે તેની માતા તનુજા પણ દુર્ગાપૂજા પ્રસંગે પંડાલમાં પહોંચી હતી. આ પ્રસંગે તેણે ખૂબ જ સુંદર સાડી પણ પહેરી હતી.