Gujarati News

અભિનેત્રી એશા ગુપ્‍તા પોતાની બોલ્‍ડનેસને કારણે સતત ચર્ચામાં રહે છે. હાલમાં તે બોબી દેઓલની વેબ સિરીઝ આશ્રમ-૩માં જોવા મળી છે. ચાહકોને તેનો આ સિરીઝનો રોલ ગમ્‍યો છે. એશાએ અભિનયની દુનિયામાં એક દસકો વિતાવી દીધો છે. જો કે અહિ સુધીની સફર તેના માળે જરાપણ સરળ રહી નથી. એશા ઇન્‍ડસ્‍ટ્રીમાં બહારથી આવી હોવા છતાં સફળ થઇ છે. આ સફર ખુર લાંબી રહી છે. તે કહે છે ફિલ્‍મ ઇન્‍ડસ્‍ટ્રીમાં બહારથી આવનારા લોકોની મદદ કરનારું કોઇ નથી. હું જેટલા લોકોને મળી છું તેમાંથી બહુ ઓછા લોકો સાચા અને સારા લાગ્‍યા હતાં. અહિ એવા લોકો ખુબ ઓછા હતાં જે તમારી સફળતા જોવા ઇચ્‍છતા હોય. જો હું ફિલ્‍મ ઇન્‍ડસ્‍ટ્રીમાંથી હોત તો મારી ઇચ્‍છા મુજબ કામ કરી શકી હોત. અહિ તમે બહારથી આવતા હો તો તમારી પાસે પોતાને સાબિત કરવાની ઘણી તક હોય છે. મારી પહેલી ફિલ્‍મ ફલોપ ગઇ હતી ત્‍યારે ડરી ગઇ હતી. પણ પછી મેં મારી જાતને સંભાળી લીધી હતી.