Gujarati News

Gujarati News

News of Tuesday, 5th June 2018

હું હાલના વડા પ્રધાન નરેન્દ્ર મોદીની બાયો-ફિલ્મમાં કામ કરીશ: પરેશ રાવલ

મુંબઇ : અભિનેતા સાંસદ પરેશ રાવલે કહ્યું હતું કે હા, હું હાલના વડા પ્રધાન નરેન્દ્ર મોદીની બાયો-ફિલ્મમાં નરેન્દ્ર મોદીનો રોલ કરવાનો છું. દોઢેક દાયકા અગાઉ પરેશે સરદાર વલ્લભભાઇ પટેલનો રોલ કર્યો હતો અને દુનિયાભરના ફિલ્મ રસિકોએ બિરદાવ્યો હતો. પરેશે કહ્યું કે મારા જીવનનો સૌથી મોટો પડકાર હશે કે નરેન્દ્ર  મોદીનો રોલ કરવો. અગાઉ આટલો મોટો ચેલેંજિંગ રોલ મારી સમક્ષ કદી આવ્યો નથી. હાલ પરેશ રાવલે અન્ય સિનિયર અભિનેતા સંજય દત્તની બાયો -ફિલ્મમાં સુનીલ દત્તનો રોલ કર્યેા છે. નરેન્દ્ર મોદીની બાયોફિલ્મની જાહેરાત ગયા વરસે થઇ હતી. હાલ વિશે પૂછતાં પરેશે કહ્યું કે હજુ અમે સ્ક્રીપ્ટ તૈયાર કરી રહ્યા છીએ. એકવાર સ્ક્રીપ્ટ તૈયાર થઇ જાય અને નરેન્દ્રભાઇ એને બહાલી આપે ત્યારબાદ બાયો-ફિલ્મની વાત આગળ વધી શકે.પરંતુ હું ફરીવાર કહું છું કે કોઇ પણ અભિનેતા માટે રોલ સૌથી વધુ પડકાર રૃપ બની શકે એવો છે. આગામી થોડાક મહિનામાં ફિલ્મ ફ્લોર પર લઇ જવાની પરેશની યોજના છે. એણે કહ્યું કે લગભગ સપ્ટેંબર ઓક્ટોબરની આસપાસ ફિલ્મ ફ્લોર પર જશે એવી મારી ધારણા છે. પહેલાં સ્ક્રીપ્ટ એકદમ તૈયાર થઇ જવી જોઇએ.

(4:42 pm IST)
  • ભાવનગર બોરતળાવ ગઠેચી વડલા વિસ્તારમાં આવેલ લાલ ટાંકી પાસે કોળી અને દરબારના જૂથ વચ્ચે અથડામણ :ચાર લોકોને ઇજા ;ડી ડિવિઝનનો પોલીસ કાફલો ઘટના સ્થળે દોડ્યો :બંને જૂથ દ્વારા પોલીસ ફરિયાદની તજવીજ access_time 10:17 pm IST

  • રાજકોટ ડાંગર કોલેજમાં બોગસ ડિગ્રીનો મામલો :જિલ્લા ભાજપ મહામંત્રી ભાનુ મહેતાની એસઓજીએ પૂછપરછ કરી :જિલ્લા ભાજપ કાર્યાલયથી ભાજપના અગ્રણી નેતાની અટકાયત :ડાંગર કોલેજના ટ્રસ્ટના પ્રમુખ છે ભાનુ મહેતા access_time 12:40 am IST

  • ટેકનીકલ કારણોસર અમદાવાદ, ભાવનગર, સુરત ફલાઈટ એક સપ્તાહથી બંધ : ટેકનીકલ કારણોસર અમદાવાદ, ભાવનગર, સુરત વચ્ચેની ફલાઈટ એક અઠવાડીયાથી બંધ છે. એર ઓડીસા દ્વારા ફલાઈટ પુનઃ શરૃ કરવામા આવે તે માટે ભાવનગર ચેમ્બર્સ ઓફ કોમર્સ દ્વારા શિક્ષણ મંત્રીને રજૂઆત કરવામાં આવી છે. આ ફલાઈટમાં ભાવનગરથી સુરતનું વિમાની ભાડુ ૨૦૦૦ રૂ. રાખવામાં આવેલ પરંતુ હવે આ ભાડુ વધારીને ૩૦૦૦ કરવામાં આવ્યુ છે access_time 4:52 pm IST