Gujarati News

Gujarati News

News of Tuesday, 5th June 2018

ફિલ્ડ માર્શલ સૈમ માનેકશોની બાયોપિક બનાવશે મેઘના ગુલઝાર

મુંબઈ: ફિલ્મ ક્રિટિક્સ અને દર્શકોને ખૂબ પસંદ પડેલ આલિયા ભટ્ટની ફિલ્મ રાઝીની ડાયરેક્ટર મેઘના ગુલઝાર હવે પોતાની આગામી ફિલ્મને લઈ તૈયાર છે. મેઘના ગુલઝાર હવે ફિલ્ડ માર્શલ સૈમ માનેકશોની બાયોપિક બનાવવા જઈ રહી છે. માનેકશો વર્ષ ૧૯૭૧માં ભારત-પાકિસ્તાન વચ્ચે થયેલ યુદ્ધના સમયે ભારતીય સેનાના પ્રમુખ હતા. તે ૪૦ વર્ષ સુધી સૈન્ય સેવામાં રહ્યા અને તેમણે પોતાના જીવનકાળ દરમિયાન યુદ્ધ જોયા હતા. ફિલ્મને રોની સ્ક્રુવાલા પ્રોડયુસ કરવાના છે અને આગામી વર્ષે ફિલ્મનુ શુટિંગ શરુ કરી દેવામાં આવશે. 

 

એક અગ્રણી સમાચાર પત્ર સાથેની વાતચીત દરમિયાન મેઘનાએ જણાવ્યુ કે, હંમેશા એવી વાર્તા પર ફિલ્મ બનાવવામાં મજા આવે છે જે તમારુ ધ્યાન પોતાની તરફ ખેંચે છે. ફિલ્ડ માર્શલ સૈમ માનેકશોની જીંદગી એટલી લાંબી હતી કે કલાકમાં તેમના પર ફિલ્મ બનાવવી મુશ્કેલ છે. રોનીએ વર્ષ ૨૦૧૫માં મને માટે એપ્રોચ કરી હતી અને તે મારી સાથે કામ કરવા માંગતા હતા. જોકે ત્યારે મારા પાસે એક સારો વિષય નહતો પરંતુ હવે અમે સૈમ માનેકશોના જીવન પર બાયોપિક બનાવવા માંગીએ છીએ અને ફિલ્મનુ શુટિંગ આગામી વર્ષથી શરુ કરી દેવાશે. મહત્વનુ છે કે ફિલ્મ રાઝીની સફળતા બાદ મેઘના ગુલઝાર ખૂબ ઉત્સાહિત છે. 

(4:42 pm IST)
  • હવાઇના બિગ આઇલેન્ડ પર છેલ્લાં એક મહિનાથી સક્રિય કિલાઉ જ્વાળામુખીમાં બ્લાસ્ટ હજુ પણ યથાવત: હવાઇ ઓથોરિટી મુજબ અહીં ડઝનથી વધુ નાગરિકો લાવાના કારણે ફસાયેલા છે:બિગ આઇલેન્ડના નાગરિકોને 24 કલાકમાં જ આ સ્થળ ખાલી કરી દેવાના આદેશ :તમામ લોકો વીજળી, સેલફોન કવરેજ વગર, ઉપરાંત પીવાના પાણી વગર રહે છે. access_time 1:22 am IST

  • સરકારે જમ્મુ-કાશ્મીરમાં સીમા પારથી ફાયરિંગમાં મરનાર દરેક દૂધાળું પશુઓ માટે વળતરની રકમ વધારીને 50 હજાર કરી :રાજ્યમાં આ વર્ષે જાન્યુઆરીથી પાકિસ્તાન દ્વારા સંઘર્ષ વિરામનું 1200 થી વધુ વખત ઉલ્લંઘન કરાયું છે access_time 1:28 am IST

  • સીરિયાના રાષ્ટ્રપતિ બસર અલ-અસદ ઉત્તર કોરિયાની મુલાકાત લેશે :વર્ષ 2011માં સત્તા સંભાળ્યા બાદ પ્રથમ વખત કિમ જોંગ-ઉને કોઈ દેશના સર્વોચ્ચ પદાધિકારીનું સ્વાગત કરશે:વર્ષ 1966માં સીરિયા સાથે ઉત્તર કોરિયાએ રાજદ્વારી સંબંધો સ્થાપ્યા હતા: ઉત્તર કોરિયાએ 1973ના આરબ-ઇઝરાયલ યુદ્ધમાં સેના અને હથિયાર બન્ને મોકલ્યા હતા access_time 1:26 am IST