Gujarati News

Gujarati News

News of Tuesday, 5th June 2018

એકતા કપૂરની 'દિલ હી તો હૈ' સિરીયલમાં ગુજરાતી એકટર હેમાંગ પલાણ આવી રહ્યો છે

મુંબઈ, તા.૫ : વેરાવળ - સોમનાથના રહેવાસી અને જાણીતા સ્ટેજ આર્ટીસ્ટ હેમાંગ પલાણ એકતા કપૂરની બાલાજી ટેલીફિલ્મ્સની સિરીયલમાં મહેમાન કલાકાર તરીકે દેખા દેશે. 'દિલ હી તો હૈ' નામની આ નવી સિરીયલ અમિતાભ બચ્ચન અને શાહરૂખ ખાનની બ્લોકબસ્ટર ફિલ્મ 'કભી ખુશી કભી ગમ'ની રીમેક છે. આ સીરીયલ સોની ટીવી ઉપરથી પ્રસારિત થશે. હેમાંગ પલાણ ભારતીય વિદ્યાભવન મુંબઈમાંથી બહાર આવેલો કલાકાર છે. તેણે ૫૧થી વધુ સિરીયલમાં કામ કર્યુ છે. તેઓ યુટ્યુબ ઉપર ગુજરાત - સૌરાષ્ટ્રની ધાર્મિક ટૂંકી ફિલ્મો, ઐતિહાસિક અને સાંસ્કૃતિક વારસો ધરાવતા સ્થાનો જેવા કે સોમનાથ, દ્વારકા, કચ્છનું રણ, કાઠીયાવાડ અને કચ્છના રજવાડી પેલેસ ઉપર અપલોડ કરવાની યોજના પર કામ કરી રહ્યા છે. તેમનું ઈ-મેઈલ એડ્રેસ : hemang.palan@gmail.com છે.(૩૭.૯)

(3:50 pm IST)
  • ઉના : સિંહની પજવણીનો વધુ એક વિડીયો વાયરલ : ગામમાં આવેલ 2 સિંહ પાછળ કાર ચલાવી સિંહને કરાયા હેરાન : સિંહને જોવાની લ્હાયમાં સિંહની પાછળ ચલાવાઈ કાર : સિંહ સંવર્ધનની વાતો વચ્ચે સતત સિંહોની પજવણીના વિડીયો સામે આવી રહ્યાં છે access_time 1:25 pm IST

  • ગ્વાટેમાલામાં જવાળામુખીએ ૬૫નો ભોગ લીધો : હજુ વધુ મૃતદેહો દટાયા હોવાની આશંકાઃ ૩ દિવસનો રાષ્ટ્રીય શોક : મધ્ય અમેરીકાના દેશ ગ્વાટેમાલામાં રવિવારે ફયુગો જવાળામુખીમાં ૧૦૦ વર્ષો બાદ ભયંકર બ્લાસ્ટ થયેલ : અનેક લોકો હજુ પણ ગૂમ છે. ગૂમ થયેલા લોકોની સંખ્યા કેટલી છે તે વિશે કોઇ માહિતી નથીઃ કુલ ૧૭ લાખ લોકો પ્રભાવીત access_time 3:51 pm IST

  • તાલાલા સાસણ રોડ પર જંગલ વિસ્તારમાં આગ ભભૂકી :મુખ્યમાર્ગની નજીકમાં લાગેલી આગે વિકરાળ સ્વરૂપ ધારણ કર્યું :છેલ્લી 20 મિનિટથી આગ ચાલુ છત્તા તંત્ર અજાણ હોવાનું જાણવા મળે છે સત્તાવાર સમર્થન અને વધુ વિગત મેળવાઈ રહી છે access_time 12:50 am IST