Gujarati News

Gujarati News

News of Tuesday, 4th May 2021

ફિટનેસના મામલે અક્ષય કુમાર પ્રભાવીત કરે છેઃ પરમ સિંહ

બધા જ એકટર્સ પોતાની અભિનયની ટેકનીક સુધારવા માટે સતત પ્રયત્ન કરતાં રહેતાં હોય છે. પરદા પર અલગ અલગ પાત્રોમાં વિશ્વસનીય રીતે રજૂ થવા માટે તેમને ફિટનેસનું પણ ખાસ ધ્યાન રાખવું પડે છે. સોની ટીવીના શો 'ઇશ્ક પર જોર નહિ'માં અહાન મલ્હોત્રાનો મુખ્ય રોલ નિભાવી રહેલો અભિનેતા પરમ સિંહ પોતાના લૂક અને ખાસ આકર્ષણને કારણે ચાહકોની સંખ્યા વધારવામાં સફળ રહ્યો છે. આ શોમાં પણ પરમસિંહ સુપરફિટ અને શાનદાર દેખાઇ રહ્યો છે. તે કહે છે બોલીવૂડ સુપરસ્ટાર અક્ષય કુમારની ફિટનેસ દિનચર્યા અને સ્વસ્થ જીવનશૈલી મને સતત પ્રભાવીત કરે છે. પરમસિંહ કહે છે ફિટ રહેવું એટલે વધુ મજબૂત, વધુ તાકતથી ભરપુર રહેવું જેથી કરીને કોઇપણ કામમાં તમે સો ટકા આપી શકો. પરમ કહે છે સ્વાસ્થ્ય એ સોૈની અંગત બાબત હોય છે. પ્રેરણા લેવી એ સારી વાત છે. આપણે જાતે જ નક્કી કરવું જોઇએ આપણા માટે શું સારુ છે.

(10:41 am IST)
  • મહારાષ્ટ્રમાં કોરોના ધીમે ધીમે શાંત પડી ગયો છે, ૨૪ કલાકમાં નવા ૫૧ હજાર કેસ નોંધાયા કર્ણાટકમાં મોટો વિસ્ફોટ ૪૪ હજાર નવા કેસ: કેરળમાં ૩૭ હજાર: યુપીમાં ૨૫ હજાર: તામિલનાડુમાં ૨૧ હજાર: બેંગ્લોર ૨૦ હજાર: આંધ્ર ૨૦ હજાર: દિલ્હી ૨૦ હજાર: પશ્ચિમ બંગાળ ૧૭ હજાર: રાજસ્થાન ૧૬ હજાર: છત્તીસગઢ ૧૫ હજાર: બિહાર ૧૪ હજાર: હરિયાણા ૧૪ હજાર: ગુજરાત ૧૩ હજાર: અને મધ્યપ્રદેશમાં ૧૨ હજારથી વધુ નવા કોરોના કેસ નોંધાયા: મહારાષ્ટ્રના પૂણેમાં ૮ હજાર: મુંબઈમાં ૨૫૦૦, જ્યારે અમદાવાદમાં ૪૬૯૩, સુરત ૧૨૧૪, રાજકોટ ૫૯૩ અને વડોદરા ૫૬૩ નવા કેસ સવાર સુધીમાં નોંધાયા છે access_time 10:51 am IST

  • આજ સાંજ સુધીમાં દિલ્હીમાં ૨૦૯૬૦ નવા કેસ નોધાયા : ૧૯૨૦૯ સાજા થયા અને ૩૧૧ મૃત્યુ થયા access_time 6:31 pm IST

  • રાજસ્થાનની જોધપુર સેન્ટ્રલ જેલમાં સજા ભોગવી રહેલા આસારામ બાપુને બુધવારે રાત્રે જેલમાંથી મહાત્મા ગાંધી હોસ્પિટલમાં ખસેડવામાં આવ્યા છે. જેલમાં તબિયત લથડતા જેલ પ્રશાસન તેમને મહાત્મા ગાંધી હોસ્પિટલમાં લઈ ગયા છે. ત્યાં કોરોના વાયરસના લક્ષણો દેખાય બાદ આસારામ બાપુને કોવિડ -19 ચેપ લાગ્યો હોવાની શંકા સેવાય રહી છે. તેમનો કોવિડ પરીક્ષણનો નમૂના લેવામાં આવ્યો હતો અને તબિયત લથડતાં તેમને હોસ્પિટલના આઈસીયુમાં દાખલ કરાયા હતા. access_time 12:10 am IST