Gujarati News

Gujarati News

News of Friday, 5th March 2021

રાબીયા તરીકે જાણીતી બની ભુમિકા છેડા

અભિનેત્રી ભુમિકા છેડા હાલમાં સોની ટીવીના શો 'સ્ટોરી નાઇન મન્થ્સ કી'માં ડોકટર રાબીયા અહેમદનું પાત્ર ભજવી રહી છે. મુળ કચ્છની આ અભિનેત્રી સિરીયલમાં જે પાત્ર ભજવી રહી છે તે ગાયનેકોલોજીસ્ટનું છે. સિરીયલમાં મુખ્ય ભુમિકા સુકૃતિ કંદપાલની છે. જે આલિયા શ્રોફનો રોલ ભજવી રહી છે. આલિયા આઇવીએફની મદદથી સિંગલ મધર બનવા ઇચ્છતી હોય છે અને એ માટે તે યોગ્ય ડોનરને શોધતી હોય છે. આ શોધ દરમિયાન તે મથુરાના એક નવા લેખક સારંગધરને મળે છે. લેખકનો રોલ આશય મિશ્રા નિભાવી રહ્યો છે. આલિયાની બેસ્ટ ફ્રેન્ડ ડો. રાબિયા છે. ભુમિકાને આ પાત્ર મળ્યું એ પહેલા તેણે મનમેં હૈ વિશ્વાસ, કિસ્મત કનેકશન, વીરા, જોધા અકબર, ક્રાઇમ પેટ્રોલ સહિતના શો કર્યા છે. આ શોથી તે રાબિયા તરીકે જાણીતી બની છે. તેણે કહ્યું હતું કે આ શો બીજા રેગ્યુલર શો કરતાં તદ્દન અલગ છે, એની કહાની પણ સમય કરતાં આગળની છે. રાબિયા એક સ્વતંત્ર, મજબુત અને લાગણીશીલ ડોકટર છે. ભુમિકા કહે છે બે ત્રણ પાત્રોના ઓડિશનમાં હું ડોકટર રાબીયાના રોલ માટે પસંદ થઇ હતી.

(10:15 am IST)
  • સિડનીમાં શીખો પર હુમલો :કૃષિ કાયદાના વિવાદ કારણભૂત : ભારતના કૃષિ કાયદાને લઈને ઓસ્ટ્રેલિયામાં ભારતીય સમુદાય વચ્ચે મતભેદો વધ્યા :સિડનીના કેટલાક લોકોએ બેસબોલ અને ધોકાથી હુમલો કર્યો : સિડનીના હેરિસ પાર્કમાં અજાણ્યા લોકોના જૂથે બેઝબોલ બેટ, લાકડીઓ અને ધણ સાથે વાહન પર હુમલો કર્યો હતો access_time 12:57 am IST

  • યોગી આદિત્યનાથ સરકાર દુનિયાભરના રામ ભક્તોને એક અનોખી ભેટ આપવા જઈ રહી છે. રામાયણ ના વૈશ્વિક એનસાયકલોપેડિયાની પ્રથમ આવૃત્તિ પ્રકાશન માટે તૈયાર થઈ ગઈ છે. સીએમ યોગી આદિત્યનાથ, જાનકી નવમીના અવસરે આ ઐતિહાસિક આવૃત્તિનું વિમોચન કરશે. access_time 11:11 pm IST

  • ભાજપની કેન્દ્રીય ચૂંટણી સમિતિની બેઠક : કેરળ,પુડુચેરી અને તામિલનાડુની સીટ માટે ચર્ચા થશે :પાર્ટી તબક્કાવાર ઉમેદવારોના નામની કરશે જાહેરાત : પશ્ચિમ બંગાળના ઉમેદવારોની યાદી સોમવાર બાદ જાહેર થવા સંભવ :બંગાળ વિધાનસભાના 60 ઉમેદવારોના નામ ફાઇનલ થઇ ચુક્યાનું મનાય છે access_time 12:31 am IST