Gujarati News

Gujarati News

News of Friday, 5th March 2021

રિલીઝ માટે તૈયાર જોન-ઇમરાનની ફિલ્મ

બોલીવૂડમાં નવી ફિલ્મોની તારીખો ધડાધડ જાહેર કરવામાં આવી રહી છે. આગામી દિવસોમાં મુંબઇ સાગા અને ભૂત પુલીસ રિલીઝ થશે. જો કે મહારાષ્ટ્રમાં ફરીથી અમુક વિસ્તારમાં આંશિક લોકડાઉન લાગુ કરવામાં આવ્યું છે ત્યારે ફિલ્મો સિનેમાઘરોમાં કેવી સફળતા મેળવશે એ સવાલ સર્જાયો છે. કારણ કે પચ્ચીસ ત્રીસ ટકા કલેકશન મહારાષ્ટ્રમાં જ થઇ જતું હોય છે. જોન અબ્રાહમ અને ઇમરાન હાસમીની ફિલ્મ મુંબઇ સાગા ૧૯મી માર્ચના રિલીઝ થવાની છે. આ ફિલ્મમાં એંસી-નેવુંના દસકનો ગેંગસ્ટર ડ્રામા જોવા મળશે. ફિલ્મનું નિર્દેશન સંજય ગુપ્તાએ કર્યુ છે.  સુનિલ શેટ્ટી, મહેશ માંજરેકર, કાજલ અગ્રવાલ, રોનિત રોય જેવા કલાકારો પણ છે.  બીજી ફિલ્મ સૈફ અલી ખાન, અર્જુન કપૂર, યામી ગોૈતમ અને જૈકલીન ફર્નાન્ડીઝની ભૂત પુલીસ છે. આ ફિલ્મ દસમી સપ્ટેમ્બરના રિલીઝ કરવામાં આવશે તેવું જાહેર કરાયું છે. આ હોરર કોમેડીનું નિર્દેશન પવન કૃપલાણીએ કર્યુ છે. જોનના હાથ પર બીજી ફિલ્મો પણ છે. ચાહકો તેને ફરી એક વખત જોન અને ઇમરાનને ગેંગસ્ટરના વિષયવાળી ફિલ્મમાં જોઇ શકશે.

(10:14 am IST)
  • સિડનીમાં શીખો પર હુમલો :કૃષિ કાયદાના વિવાદ કારણભૂત : ભારતના કૃષિ કાયદાને લઈને ઓસ્ટ્રેલિયામાં ભારતીય સમુદાય વચ્ચે મતભેદો વધ્યા :સિડનીના કેટલાક લોકોએ બેસબોલ અને ધોકાથી હુમલો કર્યો : સિડનીના હેરિસ પાર્કમાં અજાણ્યા લોકોના જૂથે બેઝબોલ બેટ, લાકડીઓ અને ધણ સાથે વાહન પર હુમલો કર્યો હતો access_time 12:57 am IST

  • ઇંધણના ભાવમાં આગ એંધાણ : ઓપેક દેશોએ ક્રૂડ ઉત્પાદનનો કાપ લંબાવ્યો: આંતરરાષ્ટ્રીય બજારોમાં ક્રૂડની કિંમત વધવા છતાં ઓઇલ ઉત્પાદક ઓપેક દેશોએ ગ્લોબલ ઇકોનોમિક રિકવરી સ્થિર ન બને ત્યાં સુધી વધુ એક મહિનો ઉત્પાદનમાં કાપ લંબાવ્યો access_time 12:48 am IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 18,292 કેસ નોંધાયા :કુલ કેસની સંખ્યા 1,11,91,864 થઇ :એક્ટિવ કેસ 1,77,389 થયા વધુ 14,162 દર્દીઓ સ્વસ્થ થતા કુલ 1,08,52,174 થયા :વધુ 109 લોકોના મોત સાથે કુલ મૃત્યુઆંક 1,57,693 થયા: દેશમાં સૌથી વધુ મહારાષ્ટ્રમાં નવા 10,216 નવા કેસ નોંધાયા access_time 1:04 am IST