Gujarati News

મુંબઇ, તા.૫: મલાઈકા અરોરા બોલિવૂડની ફિટનેસ ફ્રિક હીરોઈનોમાંથી એક છે. એકટ્રેસ પોતાની જિમ અથવા યોગાસનવાળી તસવીરોથી દ્યણી ચર્ચામાં રહે છે. મલાઈકાએ હાલમાં ઈન્સ્ટાગ્રામ પર યોગા કરતા ફોટોગ્રાફ શેર કર્યા છે. જેમાં તે સ્વિમિંગ પુલની અંદર જોવા મળી રહી છે. પાણી અને યોગનું સમન્વય આવું આ પહેલા તમે નહીં જોયું હોય.

તમને જણાવો કે મલાઇકાની આ તસવીર ગોવાની છે. તાજેતરમાં તે અર્જુન કપૂર સાથે નવા વર્ષની ઉજવણી કરવા ગોવા આવી હતી. મલાઇકાએ ગોવામાંથી આ પહેલા પણ ઘણા ફોટા શેર કરી ચૂકયા છે.

અરબાઝ ખાન સાથે છૂટાછેડા બાદ મલાઇકા અર્જુન કપૂર સાથે ડેટ કરી રહી છે. બંનેએ સાથે મળીને લોકડાઉનનો સમય પણ વિતાવ્યો હતો. ગયા વર્ષે તેમના જન્મદિવસ પ્રસંગે અર્જુન કપૂરે પણ એક ઈન્સ્ટાગ્રામ પોસ્ટ દ્વારા તેમના અને મલાઈકાના સંબંધોને સાર્વજનિક કર્યા હતા. તમને જણાવી દઇએ કે મલાઇકાએ લગ્નના ૧૯ વર્ષ બાદ ૨૦૧૭ માં અરબાઝને છૂટાછેડા આપી દીધા હતા.