Gujarati News

Gujarati News

News of Friday, 4th December 2020

દંગલનો નવો શો 'પ્રેમ બંધન': જાનકી શ્રીવાસ્તવની કહાની-

બાલાજી ટેલિફિલ્મ્સ દ્વારા નિર્મિત શો 'પ્રેમ બંધન' દંગલ ચેનલ પર શરૂ થઇ ચુકયો છે. સોમથી શનિવાર સાંજે સાડા સાત કલાકે તેનું પ્રસારણ થઇ રહ્યું છે. પ્રેમ બંધનમાં એક નાનકડા શહેરની આત્મનિર્ભર, સરળ, આત્મધર્મી અને ઇમાનદાર છોકરી જાનકી શ્રીવાસ્તવની કહાની છે. જેની યાત્રા અને સંઘર્ષ તેમાં જોવા મળશે. તે એવા લોકોની સામે પડે છે જે લોકો પોતાની શકિતનો દુરૂપયોગ કરતાં હોય છે. પરિવારની જવાબદારી અને ન્યાય માટે લડવાની ગડમથલ વચ્ચે તેના લગ્ન રહસ્યમય હર્ષ શાસ્ત્રી સાથે થઇ જાય છે. દંગલ ટીવીના પ્રોગ્રામીંગ હેડ પ્રશાંત ભટ્ટે કહ્યું હતું કે દર્શકો માટે અમે હમેંશા નવું લાવતા રહીએ છીએ. આ વખત પ્રેમબંધન લાવ્યા છીએ. જેની કહાની અદ્દભુત છે. બાલાજી ટેલિફિલ્મ્સના એકતા કપૂરે કહ્યું હતું કે અમે દંગલ ચેનલ કે જે ઝડપથી આગળ વધી રહી છે તેની સાથે જોડાઇને ખુશ છીએ. પ્રેમ બંધનમાં જાનકી શ્રીવાસ્તવની પેચીદા કહાની છે. જેના પર સમગ્ર પરિવારની જવાબદારી છે. એ એવી હાલતમાં આવી જાય છે કે તેને રહસ્યમય ભુતકાળ ધરાવતાં હર્ષ સાથે લગ્ન કરવા પડે છે. દર્શકોને આ શો ખુબ ગમશે.

(9:44 am IST)
  • મોસ્કોમાં એક સાથે કોવિદ વેકિસન આપવા જબ્બર તૈયારીઓ : શનિવારથી રશિયાના મોસ્કો ખાતે સમગ્ર શહેરમાં કોવિડ વેકિસન સેન્ટરો ઉભા કરવામાં આવશે, તે સાથે જ મોસ્કોમાં એકસાથે કોરોના વેકસિન આપવાનું ભગીરથ કાર્ય હાથ ધરાશે. access_time 10:46 am IST

  • મોડી રાત્રે વાવાઝોડાની અસર રૂપે તામિલનાડુમાં ઠેરઠેર અતિભારે વરસાદ પડી ગયો છે ચેન્નાઈમાં આવતીકાલે સવાર સુધી અતિભારે વરસાદની આગાહી થઈ છે જ્યારે તામિલનાડુમાં સોમવાર સુધી વરસાદ વરસતો રહેશે તેવી ધારણા છે access_time 11:50 pm IST

  • સાહિત્યકાર ઝવેરચંદ મેઘાણીના પુત્ર જયંત મેઘાણીનું દુઃખદ નિધન : જાણીતા સાહિત્યકાર ઝવેરચંદ મેઘાણીના પુત્ર જયંત મેઘાણીનું આજે ભાવનગર મુકામે દુઃખદ નિધન થયુ છે : તેઓ ૮૩ વર્ષના હતા : કોમ્પ્યુટર ઉપર કામ કરી રહ્યા હતા ત્યારે અંતિમ શ્વાસ લીધા access_time 3:20 pm IST