Gujarati News

સૈફ અલી ખાન અને અમૃતા સિંઘની દિકરી સારા અલી ખાનની ફિલ્મ 'કેદારનાથ' આ શુક્રવારે આવી રહી છે. ત્યારે સારાના ફઇ સોહા અલી ખાને સારાના ખુબ વખાણ કર્યા છે. સોહાએ કહ્યું હતું કે સારા આ ફિલ્મ માટે ખુબ ઉત્સાહિત છે અને મને વિશ્વાસ છે કે સારા તેના અભિનય થકી લોકોને ખુબ પ્રભાવીત કરશે. અભિષેક કપૂર નિર્દેશીત આ ફિલ્મનું ટ્રેલરે સોૈને ગમ્યું છે. જો કે સાથો સાથ વિવાદ પણ ઉભો થયો હતો. એ પછી આ મહિને જ ૨૮મીએ સારાની ફિલ્મ સિમ્બા પણ આવી રહી છે. જેમાં તેનો હિરો રણવીરસિંહ છે. સોહાએ કહ્યું હતું કે સારા ખુબ જ પ્રતિભાશાળી છે. મને કેદારનાથનો પ્રોમો ખુબ ગમ્યો છે. તેનું કામ પણ મને ગમ્યું છે. સારા આત્મવિશ્વાસથી છલોછલ પ્રતિભાશાળી અભિનેત્રી તરીકે ચોક્કસ ઉભરી આવશે. હું તેને હમેંશા શુભકામના પાઠવું છું.